Diɛt 14:2 - JAM DE NHIALIC 2011

² Bɛ̈nydït ee mïth ke kɔc wɔi piny paannhial, ke bïï tïŋ na de raan pel nɔm, raan ee ye lam.

Diɛt 14:2 ပူးပေါင်းရင်းမြစ်များ

Cäk 11:5

Ago Bɛ̈nydït bɛ̈n piny, bï wun dït bɛ̈n tïŋ kekë aloocdïït bäär, ɣön cïï kɔc ke piny nɔm yïk.

Cäk 18:21

Yɛn lɔ la tïŋ, nɔn cïk ka cä piŋ looi ë yic kedhie. Ku nɔn kënkï ke looi abä lɔ ŋic.”

Cäk 6:12

Go Nhialic piny tïŋ nɔm ke cï riääk, në luɔi cï kɔc ke piny nɔm kërac looi kedhie.

2 Lëk 19:3

Ku cakaa nɔn tɔ̈u en aya, ade këpiɛth ë yïguöp. Yïn cï kïït ke yanh tik Acera ye kɔc lam nyaai, ku acï them bä këde piɔ̈n ë Bɛ̈nydït kuany yic.”

2 Lëk 30:19

“Bɛ̈nydït Nhialic de kuarkuɔ, në piathdu pälë ee kɔc läŋ yïn ë piɔ̈ɔ̈thken ëbɛ̈n awɛ̈ɛ̈cken, acakaa nɔn kën kek lööŋ ke tëɣeric agɔk döt.”

Jop 15:14

Raan eeŋa kë duëër en ɣɛɛr? Ke ye dhiëëth ë tik duëër piɔ̈u piath?

Diɛt 107:43

Na de kɔc pel nïïm abïk ee kake cätic apiɛth, ku në ke cï nïïm määr ë Bɛ̈nydït abïk nhiëërdɛn agɔk tak.

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Diɛt 69:32

Të lee ë kɔc yɔŋ ee kënë tïŋ, abïk piɔ̈ɔ̈th miɛt, kɔc ee Nhialic lam abïï ke riit piɔ̈ɔ̈th.

Diɛt 82:5

Acïnkï ŋïny de käŋ ku yöŋ de käŋiic, ayek cath ë mɔ̈ɔ̈thic, këërkëër de piny acï ke lath kedhie.

Diɛt 92:6

Ee kë cïï raan piɔlpiɔ̈u duëër ŋic, raan dhɔ̈n acïn kë duëër yökic:

Kɛ̈ŋ 2:9

Të piŋ yïn jamdï, yïn bï yic ku piathëpiɔ̈u ŋic, ku kïït ë kɔc, ku këpiɛth ëbɛ̈n.

Kɛ̈ŋ 8:5

Na kɛ̈nkï gïu? Ke wek wɛ̈ɛ̈t bäk gïu. Na yak dhän, ke we wɛ̈ɛ̈t bäk dhɔ̈ɔ̈n pɔ̈l.

Kɛ̈ŋ 9:16

Alëk kɔc cïï nïïm ee tiëër an, “Na de kɔc piɔl piɔ̈ɔ̈th ë ke bɔ̈ ɣöndï ëtënë.”

Kɛ̈ŋ 9:4

“Takï kɔc cïn kë ŋickï bɔ̈!” Ayï dhän lɛ̈k keek an,

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Yith 64:1

Eeŋö cïï yïn paannhial retic ku bä piny? Kur aduëërkï yïn tïŋ ku lɛthë keek në riɔ̈ɔ̈c.

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Dhiëëu 3:50

Agut të le Bɛ̈nydït piny luiit paannhial ku tïŋ wook.

Danyel 12:10

Kɔc juëc abï keek tɔ dikëdik, ku wak keek, ku gii keek, ku kɔc ee karɛc looi abïk ŋoot ke ke loi karɛc. Kɔc ee karɛc looi acïkï bï yökic, ee kɔc pelnïïm kapäc kek bï ye yökic.”

Math 13:15

Kɔckë acïk piɔ̈ɔ̈th guɔ cuai, ku ayek piŋ ë pïŋ ë miŋ ë keyïth, ku acïk kenyïïn niɛɛn, Ke ke cïï bï aa daai ë kenyïïn, ku cïkï bï aa piŋ ë keyïth, ku cïkï wël bï yök yiic ë kepiɔ̈ɔ̈th, Agokï kepiɔ̈ɔ̈th puk, Aguɔ keek tɔ dem.

Romai 3:11

Acïn raan ŋic käŋ, acïn raan ee Nhialic kɔɔr,

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.