Diɛt 138:2 - JAM DE NHIALIC 2011

² Yɛn bï yanɔm wɛl luaŋduön ɣeric, ku guöt yanɔm piny ku lɛɛc rinku në biäk de nhiëërduön agɔk ku piɔ̈nduön adöt, në biäk cï yïn rinku ku lööŋku nyuɔɔth nɔn nu kek ë käŋ nïïm ëbɛ̈n.

Diɛt 138:2 ပူးပေါင်းရင်းမြစ်များ

1 Mel 8:15

Go lueel an, “Thieithieei Bɛ̈nydït Nhialic de Yithriɛl! Acï thöndɛn wään cï lɛ̈k wää Debid döt, ɣɔn lueel En en an,

1 Mel 8:20

Ku ënɔɔnë Bɛ̈nydït ë thönde döt, ka yɛn cï nyuc në thööny nɔm në nyin ë wääric ku yɛn ë Luaŋdït yïk bïï Bɛ̈nydït Nhialic de Yithriɛl aa lɔ̈ŋ thïn.

1 Mel 8:24

Yïn ë löŋduön cï thɔ̈n wäär Debid raanduön ee Yï luööi döt. Ee Yïn aa thɛn e piny në Yïthok guöpdu, ku acï tɔ ye yic në Yïcin cït nɔn nu yen ee köölë.

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Diɛt 28:2

Piŋ lɔ̈ŋdï, të dhiëëu ɛn kuɔɔny, të yan yacin jat nhial të lɔ tëduön ɣeric.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 5:8

Bɛ̈nydït, kɔc de ater në yɛn ajuëckï! Wat ɛn ë piathëpiɔ̈u, bä këde piɔ̈ndu looi, tɔ kueerdu tiëc ë yanɔm aguɔ kuany yic.

Diɛt 56:10

yen Nhialic yan wëlke leec, Bɛ̈nydït yan wëlke leec.

Diɛt 56:4

Yɛn ŋäth Nhialic yɛn cïï bï riɔ̈ɔ̈c, abä leec në biäk de gutguut cï lueel. Eeŋö duëër ë raan luöi yɛn?

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Diɛt 99:9

Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.

Yith 42:21

Bɛ̈nydït aa mit piɔ̈u ke piathëpiɔ̈nde, acï löŋde ku wëëtde tääu nhial, akɔɔr bïï ë kɔcke aa riëëu guöp.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Math 24:35

Tënhial abï nyai ayï piny, ku wëlkï acïkï bï nyai ananden.

Math 5:18

Wek yɔ̈ɔ̈k ë yic, Të ŋootë tënhial ayï piny ke ke kën guɔ nyai, ka cïn gut tök ku acïn të thiin cï ɣɔ̈ɔ̈t bï nyaai në löŋic, të ŋootë käŋ ke ke kënë thöl kedhie.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 10:35

Ku të cï en keek tɔ ye yiëth, kek kɔc ɣɔn bïï jam ë Nhialic tëde keek (ku këcïgɔ̈ɔ̈r acï duëërë dhɔ̈ŋic).