Diɛt 137:7 - JAM DE NHIALIC 2011

⁷ Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

Diɛt 137:7 ပူးပေါင်းရင်းမြစ်များ

Neɣe 6:14

Guɔ Nhialic lɔ̈ŋ an, “Nhialic tak Yïnɔm në kë cïï Tobia kekë Thanbalat ku luöi ë keek këtuc, ku tak Yïnɔm në tiiŋ tiët cɔl Nowadia ku lɔ tït kɔ̈k ëbɛ̈n ee yen them an bïk a riääc.”

Diɛt 74:18

Ku ŋic Bɛ̈nydït, nɔn ye kɔc ke aterdu Yïn dɔl guöp, nɔn cïn kek nïïm Nhialic ku yek Yïn biɔɔn guöp.

Bɛ̈n 17:14

Go Bɛ̈nydït lɛ̈k Mothe an, “Gäär ë tiëmë, ke bï ya tak. lɛ̈kë Jocua an Yɛn bï kɔc ke Amalek jɔ riɔ̈ɔ̈k ëtaiwei.”

Edhekiɛl 35:15

cït man wään cä wek piɔ̈ɔ̈th miɛt në riäŋ baai de Yithriɛl, kɔc ke nɔmdï. Kur ke Theyir, piny de Edom ëbɛ̈n, abï yic ciën kɔc. Ëtɛ̈ɛ̈n abïï raan ëbɛ̈n ŋic nɔn ee Yɛn Bɛ̈nydït.”

Edhekiɛl 35:2

“Mɛnh ë raan, rɛɛcë piny de Edom.

Ɣodh 7:2

Akuckï luɔi ŋiɛc Ɛn karɛckɛn loikï kedhie. Acïkï ŋic nɔn ŋiɛc Ɛn këriëëc rɛɛcdɛn loikï ëbɛ̈n. Acïï awɛ̈ɛ̈cken ke gɛɛu cil, awɛ̈ɛ̈cken awɔi keek kedhie në cieŋ.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

1 Tham 15:2

Acïï Bɛ̈nydït de rɛm lueel an, “Yɛn bï kɔc ke Amalek luöi këtuc në baŋ cï kek Yithriɛl pɛ̈n kueer ɣɔn bïï kek bei në Rip.