Diɛt 132:9 - JAM DE NHIALIC 2011

⁹ Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Diɛt 132:9 ပူးပေါင်းရင်းမြစ်များ

2 Lëk 6:41

Ënɔɔnë, jɔt rɔt Bɛ̈nydït Nhialic, lɔɔr wekë athänduŋ de mät, kïn de riɛldu, lɔɔr ë Luaŋdïtic ku rɛ̈ɛ̈rë ëtɛ̈ɛ̈n aɣet athɛɛr. Thiei kɔckuön ke kake Nhialic, në kë yek looi yic ëbɛ̈n, ku tɔ kɔcku mit piɔ̈ɔ̈th kedhie në biäk de piathdu tëde keek.

Jop 29:14

Yɛn ceŋ piathëpiɔ̈u ku acï yɔ kuöm piny, ku yicdï acït lupɔ kekë göl ë yanɔm,

Diɛt 104:1

Wek wëikï, thiɛikï Bɛ̈nydït! Yïn Bɛ̈nydït, Nhialinydï, eeŋa thöŋ ke Yïn! Yïn cï kuöm piny në bääny ku dhuëëŋ,

Diɛt 132:16

Yɛn bï bänykɛn ke kakë Nhialic thieei në ka yek looi yiic ëbɛ̈n, ku kɔcke abïk aa cööt ku kɛ̈tkï në miɛtëpiɔ̈u.

Diɛt 149:5

Tɔ kɔc ke Nhialic mit piɔ̈ɔ̈th ë tiëmden ku bïk ruu ke ke ket diɛt ke miɛtëpiɔ̈u ë wɛ̈ɛ̈ric ëbɛ̈n.

Diɛt 47:1

Wek kɔc wedhie, pamkï wecin në miɛtëpiɔ̈u! Pianykï Nhialic në röldït!

Diɛt 68:3

Ku kɔc piɛthpiɔ̈ɔ̈th abïk piɔ̈ɔ̈th miɛt, ku abïk dɔl ë Nhialic nɔm, abïk piɔ̈ɔ̈th miɛt, ku mockï kiɛɛu ë miɛtëpiɔ̈u.

Diɛt 70:4

Tɔ kɔc ee Yïn kɔɔr kedhie, mitpiɔ̈ɔ̈th ku lek piɔ̈ɔ̈th yum në Yïyic! Tɔ lueel ë kɔc nhiaar kuɔɔnydu ëceŋ an, “Nhialic adït!”

Diɛt 93:1

Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 65:14

Abïk diɛt ke miɛt ë piɔ̈u ket ku we bï dhiau në jiɛth ë piɔ̈u.

Dhep 3:14

Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Bäny 5:31

Ka kɔc ke aterdu abïk aa thou aya kedhie, Bɛ̈nydït, ku lɔ määthku riauriau cït aköl ë run ë piny! Ku piny acï bɛ̈n dɛ mät në run kathiërŋuan.