Diɛt 132:16 - JAM DE NHIALIC 2011

¹⁶ Yɛn bï bänykɛn ke kakë Nhialic thieei në ka yek looi yiic ëbɛ̈n, ku kɔcke abïk aa cööt ku kɛ̈tkï në miɛtëpiɔ̈u.

Diɛt 132:16 ပူးပေါင်းရင်းမြစ်များ

2 Lëk 6:41

Ënɔɔnë, jɔt rɔt Bɛ̈nydït Nhialic, lɔɔr wekë athänduŋ de mät, kïn de riɛldu, lɔɔr ë Luaŋdïtic ku rɛ̈ɛ̈rë ëtɛ̈ɛ̈n aɣet athɛɛr. Thiei kɔckuön ke kake Nhialic, në kë yek looi yic ëbɛ̈n, ku tɔ kɔcku mit piɔ̈ɔ̈th kedhie në biäk de piathdu tëde keek.

Diɛt 132:9

Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Diɛt 140:4

Gël yɛn Bɛ̈nydït në riɛl de kɔc rac, luäk ɛn në kɔc ke akuöörkuöör kɔc rac ee kiɛɛr rɛɛc de luɔi bän wïïk tak.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Ɣodh 11:12

Aye Bɛ̈nydït lueel an, “Baai de Yithriɛl acï Ɛn gɛɛu cil në lueth ku ruëëny. Ku kɔc ke Juda acïk Ɛn rɛɛc, Yɛn Nhialic adöt ɣeric.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.