Diɛt 132:11 - JAM DE NHIALIC 2011

¹¹ Yïn cï awunduön Debid luöi gutguut, gutguut cï bï dak nɔm ciëën: an, “Yɛn bï wën töŋdu tɔ ee melik, ku abï bääny muk në yïcök.

Diɛt 132:11 ပူးပေါင်းရင်းမြစ်များ

2 Tham 7:12

Të lee yïn thou ku biɔth kuarkun cök. Yɛn bï mɛnh tök ë mïthku yiic tɔ ye melik ë nyindu yic, ku Yɛn bï ciɛɛŋde tɔ ril.

2 Tham 7:14

Yɛn bï ya wun, ku yen abï ya wëndï. Na le wäc ke Yɛn bï kɔc kɔ̈k tɔ lui yen kërac, kek abïk aa wɛtkiën ke dui.

2 Tham 7:16

Ku dhiëndu ku ciɛɛŋ de melik acïï kɔ̈u bï tɛɛm tëde yïn, thöönydu abï cieŋ aɣet athɛɛr.’ ”

1 Mel 1:48

ku lueel an, ‘Thieithieei Bɛ̈nydït Nhialic de Yithriɛl, në raan cï lɔc ee köölë bï nyuc në thöönydï nɔm ke ya ŋoot ke ya pïïr ke bä tïŋ’”

1 Mel 8:25

Ku ënɔɔnë Bɛ̈nydït Nhialic de Yithriɛl, kë cï lɛ̈k, Debid wäär raanduön ee Yï luööi, cök ë muk Yïn en, kë ɣɔn lueel an, Yïn cïï bï ciën raan ë Yanɔm, raan bï nyuc ë thööny ë Yithriɛl nɔm, na ye mïthku röt tiit në kueer bïk bɛ̈n aa rëër ë Yanɔm cït man ye yïn rëër ë Yanɔm.

2 Lëk 6:16

Ku ënɔɔnë Bɛ̈nydït, Nhialic de Yithriɛl, muk gutguut wään bä lɛ̈k wäär Debid an, yïn bï nɔm aa dɛ raan töŋ de dhiëndu bï lɔ̈ɔ̈k aa melik de Yithriɛl, të le kek aa kɔc ee lööŋku riëëu apiɛth cït man cï yen ye looi.

2 Lëk 7:18

Yɛn bï gutguut cä luöi wuur Debid looi, wään lɛ̈k Ɛn en an, kɔc ke Yithriɛl abï kuatdu keek aa wat ë ceŋ.

Diɛt 110:4

Bɛ̈nydït acï gutguut looi ku acïï Yenɔm duëër kɔn waar. Acï lueel an, “Yïn ee bɛ̈ny de kake Nhialic aɣet thɛɛr, bɛ̈ny de kake Nhialic cït Melkidhedek.

Diɛt 89:33

Ku Yɛn cïï Debid bï pɛ̈n nhiëërdiën agɔk, ku cä piɔ̈ndiën adöt tɔ ee lueth.

Diɛt 89:35

“Acä lueel raantök ku thöök, në rinkiën ɣer yiic, Yɛn cïï Debid bï math.

Diɛt 89:37

Abï tɔ̈u athɛɛr ke cï rɔt wuuk cït man ë pɛɛi, yen adön daai nhial.”

Diɛt 89:5

Paannhial ee kakuön ke gäi cï looi leec Bɛ̈nydït, ku leckï piathëpiɔ̈ndu në amatnɔm ɣeric yic.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Luk 1:32

Abï dït arëët ku abï cɔl wën ë Nhialic Awärjäŋ: ku abïï Bɛ̈nydït Nhialic yiɛ̈n thööny de kuɛɛrëdɛn Debid:

Luɔi 2:30

Ku yen aaye tiët, ku aŋic nɔn cï Nhialic e lɛ̈k en, abï gutguut lueel an, Në mïth ke thardu yïguöp, yɛn bï Kërtho jat nhial, raan bï rëër ë thöönydu nɔm.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”