Diɛt 129:2 - JAM DE NHIALIC 2011

² “Të wään ee yɛn meth, kɔc ke aterdï acïk yɛn yɔŋ arac, ku akënkï yɛn tiaam.

Diɛt 129:2 ပူးပေါင်းရင်းမြစ်များ

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 118:13

Yɛn aa cï mak arëët ku kɔɔr bï yɛn tiaam, ku Bɛ̈nydït acï ya bɛ̈n kony.

Diɛt 125:1

Kɔc ee Bɛ̈nydït ŋɔ̈ɔ̈th acïtkï Kuur de Dhiɔn cïï duëërë bɛŋ, ku cïï duëërë wuuk.

Diɛt 34:19

Kɔc piɛthpiɔ̈ɔ̈th aye nuɛɛn juëc ke yök, ku aye Bɛ̈nydït ke kony në keek kedhie.

Diɛt 42:1

Cït man ye guil pïïu kɔɔr, yen aye täu kɔɔr ë piɔ̈ndï yïn Nhialic.

Bɛ̈n 1:11

Go kɔc ke Rip keek kuɛ̈ny bäny ke lïïm bïk keek miɛn në luɔi tuc thok bïk aa looi. Gokï kɔc ke Yithriɛl tɔ yïk melik pɛ̈ɛ̈nydït kaarou, pɛ̈ɛ̈nydït cɔl Pithom kekë Ramethith, ke bï melik kacaamke aa tɔ̈ɔ̈u thïn.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”