Diɛt 126:2 - JAM DE NHIALIC 2011

² Wok cï bɛ̈n dɔl ku këtku diɛt ë miɛtëpiɔ̈u! Go ë juöör kɔ̈k lueel ë biäkda an, “acïï Bɛ̈nydït keek luöi kagɛ̈iyë.”

Diɛt 126:2 ပူးပေါင်းရင်းမြစ်များ

Edhr 3:11

Gokï ket në diɛt piɔɔny kek Bɛ̈nydït ku jɔkï pal ke ke wëër diɛt në kët, an: “Bɛ̈nydït apiɛth, ku nhiëërdɛn agɔk atɔ̈u athɛɛr ke Yithriɛl.” Go kɔc kedhie kiɛɛu moc ë röldït wën piɔɔny kek Bɛ̈nydït, në biäk cïï këërkëër de Luaŋdït tääu piny.

Neɣe 6:16

Ɣɔn aa lɔ kɔc ke aterda ee kënë piŋ, kek juöör thiääk ë wook ëbɛ̈n, acïk bɛ̈n yäär në biäk cïï raan ëbɛ̈n e ŋic nɔn cïï luɔi looi në kuɔɔny de Nhialic.

Jop 8:21

Abï yï bɛ tɔ retic ë dɔl, ku jɔ kiɛɛu de miɛtëpiɔ̈u cuuth.

Diɛt 14:7

Yɛn ee lɔ̈ŋ aläl ë luɔi bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï kɔc ke Yithriɛl piɔ̈ɔ̈th miɛt të lee ë Bɛ̈nydït ke bɛ tɔ kueth!

Diɛt 51:14

Luäk ɛn në kɔc rac ee kɔc nɔ̈k, kony wëikï ku liemdï, ke ya bï konyduön ë wëi piɔɔny.

Diɛt 53:6

Yɛn ee lɔ̈ŋ aläl bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï ë kɔc ke Yithriɛl piɔ̈ɔ̈th miɛt, të le ë Nhialic ke bɛ tɔ kueth!

Diɛt 71:19

Piathëpiɔ̈ndu Nhialic, ee ɣet nhial. Yïn cï kadït looi, acïn raan töŋ cït Yïn.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Edhekiɛl 36:36

Ëtɛ̈ɛ̈n abïï juöör thiɔ̈k wään cï poth, abïk jɔ ŋic nɔn ee Yɛn Bɛ̈nydït, ee yɛn ë be pɛ̈ɛ̈nydït cï riɔ̈ɔ̈k nyɔk ë yïk ku bɛ duum cï riääk com. Yɛn Bɛ̈nydït Awärjäŋ, acä lueel nɔn bän ee kënë looi, ku abä looi.”

Kuɛ̈n 23:23

Acïn athuɛ̈ɛ̈th, ku cïn kë bï caar, duëër kɔc ke Yithriɛl lëu. Acïn kɔc bï jam në biäk de Yithriɛl, an, ‘tïŋ kë cïï Nhialic looi!’

Romai 11:15

Ku na cuɛt cuɛtë ke wei, të ee yen mɛ̈ɛ̈t bï piny nɔm määt, ku döm bï ke bɛ dɔm, bï ciët ŋö, cïï bï aa pïïr ë kɔc cï thou yiic?