Diɛt 119:75 - JAM DE NHIALIC 2011

⁷⁵ Bɛ̈nydït, aŋiɛc nɔn ye guiëër de löŋdu yic, ku yïn cï ya dui në biäk yïn piɔ̈u adöt.

Diɛt 119:75 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Jop 34:23

Nhialic acïn kööldɛn ee tääu piny, bï kɔc lɔ ku bï ke lɔ kuum në Yen.

Diɛt 119:128

Yen akuany ɛn wëëtdu cök, yɛn man kuɛɛr rac ëbɛ̈n.

Diɛt 119:160

Piɔ̈n de löŋdu yen aye yic, ku guiëër de piathëpiɔ̈ndu ëbɛ̈n ee tɔ̈u athɛɛr.

Diɛt 119:62

Yɛn ee pääc ë wɛ̈ɛ̈ric wakɔ̈u, bä Yïn bɛ̈n leec në biäk de lööŋkuön ke piathëpiɔ̈u.

Diɛt 119:7

Të cän tän de piathëpiɔ̈ndu ŋic, Yïn bä lɛc nɔm në piɔ̈n lɔ wai.

Diɛt 25:10

Kuɛɛr ke Bɛ̈nydït kedhie ee kuɛɛr ke nhiëër agɔk ku piɔ̈n adöt, në baŋ de kɔc ee löŋde döt ku dötkï wëëtde.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.