Diɛt 119:21 - JAM DE NHIALIC 2011

²¹ Yïn ee kɔc ee röt lɛɛc jɔ̈ɔ̈ny, aciɛɛn abï nu ë kɔc cïï lööŋku ë riëëu yiëth.

Diɛt 119:21 ပူးပေါင်းရင်းမြစ်များ

Neɣe 9:16

Ku kuarkuɔ aake ye kɔc ɣɛ̈ɛ̈c kenïïm acïk nïïm riɛl ëtör gokï lööŋku kɛ̈n gam.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Diɛt 119:10

Acä them në piɔ̈ndï ëbɛ̈n bä Yïn luöi, gël yɛn ke ya cïï lööŋku bï dhoŋ kɔ̈ɔ̈th.

Diɛt 119:110

Kɔc rac acïk a deep wïn ë dɛ̈p, ku yɛn cï lööŋku riëëu.

Diɛt 119:118

Yïn ee raan reec lööŋku rɛɛc, kiɛɛrdɛn rɛɛc yek looi acïn naamde.

Diɛt 119:78

Tɔ kɔc ee röt lɛɛc yäär në luɔi cï kek a cäk thok ë lueth, ku në biäkdï, yɛn bï wëëtdu aa kueen yic.

Diɛt 138:6

Na cakaa nɔn tɔ̈u Yïn nhial të mec, yïn ee kɔc tɔ̈u piny kony, ku kɔc ee röt lɛɛc acïkï duëër thiaan ë yïn.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 42:24

Eeŋa ë gëm kɔc ke Yithriɛl cuɛ̈ɛ̈r ee kɔc rum? Aa ye Bɛ̈nydït guöpde, raan cuk luöi awäc! Wok kën rëër në kueer köör wook bïï wok rëër ku rïïuku wëët cï gäm wook.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Jeremia 44:16

“Wo cï jam cï lɛ̈k wook ë rin ke Bɛ̈nydït rɛɛc gam.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Luk 14:11

Raan ëbɛ̈n raan ee rɔt tɔ dït abï tɔ koor, ku raan ee rɔt kuɔɔr piny, yen abï tɔ dït.”

Luk 18:14

Wek yɔ̈ɔ̈k an, “Raanë acï yenɔm dhuöny paande, ke cï tɔ piɛthpiɔ̈u awär raan wën. Raan ëbɛ̈n raan ee rɔt tɔ dït abï tɔ koor: ku raan ee rɔt tɔ kɔɔr piny abï tɔ dït.”

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Nyöŋ 28:15

“Ku na kɛ̈nkï Bɛ̈nydït Nhialic riëëu, ku kɛ̈nkï lööŋkɛn gäm ke week ee köölë kekë wëëtde döt në piɔ̈n adöt, karɛckë kedhie abïk röt luöi week.

Nyöŋ 30:19

Ë köölë yɛn cɔl nhial kekë piny bïk këduön bäk tïŋ ënɔɔnë wok ta ke löc në kaam de pïïr kekë thuɔɔu. Ku në kaam de athiɛɛi ku aciɛɛn de Nhialic, ku week lackï pïïr.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.