15 Yɛn bï lööŋku kueen yiic, ku thɛm wëëtdu.
Ku Yithaak acï akɔ̈l dap këuwic ɣɔn thëën, ke lɔ yecök caath domic. Go thɔ̈rɔ̈l tïŋ abɔ̈.
Ku yek piɔ̈ɔ̈th miɛt në riëëu de löŋ de Bɛ̈nydït, ku yek cool ë tɛk kek en.
Muk yɛn, ku yɛn bï poth, ku yɛn bï lööŋku aa döt aköölnyïïn kedhie.
Yɛn ee yathok ŋaam, ke ya kɔɔr lööŋku.
Yɛn aa ruu ke ya yiɛ̈n wakɔ̈u, ke ya tak wëëtdu yic.
Wɛ̈ɛ̈t meliik ayek kiɛɛr rac luöi yɛn, ku yɛn awundu, yɛn bï lööŋku kueen.
Yɛn nhiaar ku riëëu lööŋku, yɛn bï wëëtdu aa kueen yic.
Na wɔi lööŋku apiɛth, ke yɛn cïï bï guöp yäär.
Tɔ kɔc ee röt lɛɛc yäär në luɔi cï kek a cäk thok ë lueth, ku në biäkdï, yɛn bï wëëtdu aa kueen yic.
Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.
Yɛn ŋic kajuëc awär kɔc ë piööc yɛn, në biäk ee yɛn wëëtdu kueen yic.
Ku raan ee löŋ cï dikëdik woiyic, löŋ de luny ee kɔc lony, ku jɔ aa cool thïn ku acie raan ee piŋ ku jɔ nɔm määr, ee raan ee luɔi looi, raanë abïï thieei në luɔidɛn ee yen e looi.
