Diɛt 119:126 - JAM DE NHIALIC 2011

¹²⁶ Bɛ̈nydït, kaam bï yïn luui acï bɛ̈n, në biäk reec ë kɔc löŋdu.

Diɛt 119:126 ပူးပေါင်းရင်းမြစ်များ

Jeremia 8:8

Eeŋö ya wek e lueel an, pɛlkï nïïm, ku an ŋiɛckï lööŋkï? Tiëŋkï lööŋ acï ke waar yiic në kɔc ee gär cie adööt.

Ɣabakuk 1:4

Ka löŋ acï ciën naamde, ku acïn löŋ ye ŋiëc guiir ë gööny yic, kɔc ee karɛc looi ayek kɔc piɛthpiɔ̈ɔ̈th tiaam në juëc, ka yic acïï be lɔ kim piny.

Math 15:6

ka cïn kë cï wööc, të cïï en wun ee riëëu ayï man. Yen acä wek jam ë Nhialic tɔ ye ɣɔ̈ric në löŋduön thɛɛr.

Malakai 2:8

Acï Bɛ̈nydït de rɛm lueel an, “Ku ënɔɔnë, wek bäny ke kake Nhialic, wek ë röt yal wei në kueer yic yic. Ku wëëtdun ë kɔc juëc thɛl ë luɔi de karɛc yiic. Wek ë löŋ wään cä mac wokë kuarkun Lebai dhoŋ kɔ̈u.

Romai 4:14

Ku tëë ye kɔc ke löŋ kek bï piny lɔ̈ɔ̈k lak, ke gäm adï bï aa ɣɔ̈ric, ku kë cï kɔn lueel adï bï aa kë cïn naamde.

Romai 3:31

Ënɔɔnë, yok löŋ tɔ cïn naamde në gäm? Ei! Acie yen, wok tɔ löŋ kääc apiɛth.

Diɛt 9:19

Jɔt rɔt Bɛ̈nydït du kɔc tɔ dhäl Yïn! Bɛ̈ɛ̈iyë juöör ë yïnɔm ku guiir löŋden.

Yith 42:14

Aye Nhialic lueel an, “Yɛn cï mim të bäär yic, Yɛn kën kë lueel kɔckï bɛ̈ɛ̈r. Ku ënɔɔnë kööl bï Yɛn këdäŋ looi acï bɛ̈n, guɔ jɔ dhiau cï tiiŋ rɔ̈p.

Diɛt 102:13

Yïn bï rɔt jɔt ku kokë piɔ̈u we Dhiɔn, akööl acïk bɛ̈n akööl bï Yïn piɔ̈u kok wekë yen, kööl rɔ̈ŋ kï ee kënë.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

Cäk 22:14

Ago Abraɣam ëtɛ̈ɛ̈n cäk an, “Bɛ̈nydït abï aa miööc.” Ku agut cï ee köölë aye kɔc lueel an, “Në kuur ë Bɛ̈nydït nɔm abï miööc.”

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

Diɛt 102:14

Awuutku anhiaarkï Jeruthalem, cakaa nɔn cïï ë yen riɔ̈ɔ̈k, ayek piɔ̈ɔ̈th kok në yen, cakaa nɔn cïï ë yen thuöör piny.