Diɛt 119:118 - JAM DE NHIALIC 2011

¹¹⁸ Yïn ee raan reec lööŋku rɛɛc, kiɛɛrdɛn rɛɛc yek looi acïn naamde.

Diɛt 119:118 ပူးပေါင်းရင်းမြစ်များ

Diɛt 119:10

Acä them në piɔ̈ndï ëbɛ̈n bä Yïn luöi, gël yɛn ke ya cïï lööŋku bï dhoŋ kɔ̈ɔ̈th.

Diɛt 119:21

Yïn ee kɔc ee röt lɛɛc jɔ̈ɔ̈ny, aciɛɛn abï nu ë kɔc cïï lööŋku ë riëëu yiëth.

Diɛt 119:29

Gël yɛn në lɔ ë kueer rac yic, ku në piathdu wëëtë yɛn në lööŋku.

Diɛt 78:57

ku yek gɔ̈th, ku cïkï Nhialic riëëu cït man ë kuarken, acïï keek ee ŋɔ̈ɔ̈th cït man ë dhaŋ ŋɔl kɔ̈u.

Diɛt 95:10

Në run kathiërŋuan ke ya man ee kɔckë. Guɔ lueel an, ‘Ee ciɛ̈n gäm cït ŋö cath kekë kɔcë! Acïk löŋdï rɛɛc gam.’

Kɛ̈ŋ 12:20

Kɔc ee karɛc kiëët ayek piɔ̈ɔ̈th thiäŋ në mɛth, ku miɛt ë piɔ̈u ee këde kɔc ee mät bɛ̈ɛ̈i.

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 63:3

Go Bɛ̈nydït bɛ̈ɛ̈r an, “Yɛn ee juöör ke piny nɔm dum yiic, cït man ë kë dhiim mɔ̈n de enap, ku acïn raan cï A bɛ̈n kony. Acä ke dum yiic në agönhdï, go riɛmden lupɔɔkï riɔk kedhie.

Malakai 4:3

Piɛŋkï kë lueel ë Bɛ̈nydït de rɛm an, Kɔc ë karɛc looi abäk keek dum yiic në wecök në ee köölë. Abïk aa abuui tei në wecök kööl lan ee kakë looi.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

1 Jɔn 2:21

Acie kuny kuöc wek yic, yen ë gäär ɛn week, ee luɔi ŋiɛc wek yic, ku aŋiɛckï nɔn cïn en luenh ee bɛ̈n tëde yic.

Nyuuth 14:20

Go kën ee mɔ̈u dhiim thïn duöm piny ë jöŋgöör ë pänydït këc biic, ku jɔ riɛm bɛ̈n bei ë kën ee mɔ̈u dhiim thïn yic, abï pëk ë joth ee jöŋgöör mac thook, thiëëŋ piny abï ɣet nhial në meel bot kaarou ku thuthde aaye akeem kadhïc.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”