Diɛt 119:116 - JAM DE NHIALIC 2011

¹¹⁶ Gämë yɛn riɛl, cït man cïï yïn gutguut lueel, ku yɛn bï pïïr, du yɛn tɔ bï bäp piɔ̈u në aŋäthdï yic!

Diɛt 119:116 ပူးပေါင်းရင်းမြစ်များ

Diɛt 119:17

Ye piath wekë yɛn, yɛn awundu, aguɔ pïïr ku bä wëëtdu aa riëëu.

Diɛt 119:6

Na wɔi lööŋku apiɛth, ke yɛn cïï bï guöp yäär.

Diɛt 25:2

Ee Yïn aŋääth, Yïn Nhialicdï. Du ɛn bï yɔ̈ɔ̈r guöp, du ɛn bï tɔ tiɛɛm ë kɔc de ater në yɛn!

Diɛt 37:17

në biäk bïï ë Bɛ̈nydït riɛl de kɔc rac dhoŋ kɔ̈u, ku abï kɔc piɛthpiɔ̈ɔ̈th kony.

Diɛt 37:24

Na cakaa kɔ̈thkï acïkï bï wïïk, në luɔi muk ë Bɛ̈nydït kecin.

Diɛt 41:12

Yïn bï ya kuɔny, në biäk de rëërdiën piɛth, yïn bï ya tɔ tɔ̈u në Yïlɔ̈ɔ̈m aɣet athɛɛr.

Diɛt 54:4

Ku Nhialic ee konydï. Bɛ̈nydït yen ee raan ee ya luök.

Diɛt 63:8

Yɛn cï rɔt nöök ë Yïn, ku ciindu ee yɛn muk aril.

Diɛt 94:18

Na wën aa luɛɛl an, “Yɛn cï cök rieth,” go nhiëërduön agɔk, ya mɔ̈k nhial Bɛ̈nydït.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”