Diɛt 119:1 - JAM DE NHIALIC 2011

¹ Thieithieei në kɔc ee cath në kuɛɛr cïn yiic gääk, ku yek ceŋ ke ke döt lööŋ ke Bɛ̈nydït.

Diɛt 119:1 ပူးပေါင်းရင်းမြစ်များ

2 Tham 22:22

Ku yɛn cï löŋ de Bɛ̈nydït riëëu, yɛn kën rɔt yal wei në Nhialicdï yic.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 1:8

Go Bɛ̈nydït Catan thiëëc an, “De të cïn Jop tïŋ, raandiën ee Ya luööi ku piŋ A thok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.”

Diɛt 101:2

Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

Diɛt 101:6

Ku yɛn bï jam de kɔc adööt tëde Nhialic piŋ ku abä keek tɔ rɛ̈ɛ̈r ë ɣöndiën ë bääny, Kɔc ɣer piɔ̈ɔ̈th aläl, kek abï pɔ̈l aluui yɛn.

Diɛt 112:1

Lɛckï Bɛ̈nydït! Thieithieei ë raan ë Bɛ̈nydït riëëu, raan ee miɛtëpiɔ̈u yök në riëëu de lööŋke.

Diɛt 128:1

Thieithieei në kɔc ee Bɛ̈nydït riëëu, kɔc ee cath ë lööŋke yiic.

Kɛ̈ŋ 11:20

Liëëp de käŋ ee gök de kërɛɛc mɛɛn Bɛ̈nydït, ku anhiaar kɔc adööt.

Kɛ̈ŋ 13:6

Luɔi de piathëpiɔ̈u ee raan a piɔ̈u wai gël, ku raan ee karɛc looi aye karɛcke riɔ̈ɔ̈k.

Kɛ̈ŋ 29:18

Wun cïnic nyuuth aye kɔc juëc määr, ku raan ee löŋë muk abï thieei.

Edhekiɛl 11:20

Ëtɛ̈ɛ̈n abïk lööŋkï muk, ku dötkï ka cä gäm keek në piɔ̈n adöt. Abïk aa kɔckï, ku yɛn bï aa Nhialicden.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Jɔn 13:17

Të ŋiɛc wek kakë, thieithieei week të ya wek keek looi!

Luɔi 24:16

Ku yɛn ee rɔt them e cöökë an, bä ya cath në piɔ̈n agɔk anandï, ku cïn kë ya wööc ë Nhialic nɔm ku kɔc nïïm ayadäŋ.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Jakop 1:25

Ku raan ee löŋ cï dikëdik woiyic, löŋ de luny ee kɔc lony, ku jɔ aa cool thïn ku acie raan ee piŋ ku jɔ nɔm määr, ee raan ee luɔi looi, raanë abïï thieei në luɔidɛn ee yen e looi.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.