Diɛt 118:27 - JAM DE NHIALIC 2011

²⁷ Bɛ̈nydït Yen aye Nhialic, aa piɛth kekë wook ë caŋɣɔn. Miɔc yïcin në yïth ke tiim, ku gɔl dhuëëŋ cök ku wil yïïŋ de Bɛ̈nydït.

Diɛt 118:27 ပူးပေါင်းရင်းမြစ်များ

1 Mel 18:21

Go Elija bɛ̈n ë kɔc lɔ̈m tëthiɔ̈k, ku lueel, an, “Bäk tök jɔ dɔm nɛn? Na ee Bɛ̈nydït yen ee Nhialic, ke kuanykï cök, ku na ee Baal yen ee Nhialic, ke kuanykï cök!” Go kɔc ciën kë cïk puk nɔm.

1 Mel 18:39

Na wën aa tïŋ kɔc ee kënë, ke ke cuɛt röt piny, ku luelkï, an, “Bɛ̈nydït Yen aye Nhialic, Bɛ̈nydït Yetök Yen aye Nhialic!”

1 Lëk 29:21

Na wën, në kööl däŋë gokï läi nɔ̈k ke ke ye miɔ̈c ye nyop ëbɛ̈n, miɔ̈c gɛ̈më Bɛ̈nydït, ku gëmkï keek Nhialic, gokï gäm kɔc bïk cam. Ku bekï aguum ke miöör nɔ̈k, ku aguum ke nyök amɛ̈l, ku nɛ̈kkï aguum ke amɛ̈l, ku nyopkï keek kedhie ë yïk nɔm. Ku bïïkï miɔ̈c de mɔ̈u aya.

Ethta 8:16

Kɔc ke Judai acïk piɔ̈ɔ̈th bɛ̈n miɛt ku dɔlkï në nɔm lääu ku riëëu cïk yök.

Diɛt 18:28

Bɛ̈nydït, gämë yɛn ɣɛɛr, ku cop mɔ̈ɔ̈th në yalɔ̈ɔ̈m.

Diɛt 37:6

abï piathëpiɔ̈ndu tɔ riau cït man akɔ̈l, ku riau yicdu cït man aköl athɛ̈i.

Bɛ̈n 27:2

Ku luöiyë nɔm tuŋ kaŋuan, ye tuŋ në keyiic tiëŋ nɔm aguk në aguukiic kaŋuan. Ku cuɛ̈ɛ̈cë keek në yïk guöp. Ku rɔth kekɔ̈ɔ̈th në maläŋ.

Bɛ̈n 38:2

Ku cuëc nɔm tuŋ kaŋuan aguuk nïïm. Ku rɔɔth guöp në maläŋ.

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Yith 9:2

Kɔc ɣɔn cath ë mɔ̈ɔ̈thic acïk ɣɛɛrdït tïŋ. Aake rɛ̈ɛ̈r piny de atïïp ke thuɔɔu, ku ënɔɔnë ariɛɛu ë ɣɛɛr keek.

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.