Diɛt 117:2 - JAM DE NHIALIC 2011

² Nhiëërdɛn agɔk nhiɛɛr Yen wook adït, ku piɔ̈ndɛn adöt ee tɔ̈u athɛɛr. Lɛckï Bɛ̈nydï!

Diɛt 117:2 ပူးပေါင်းရင်းမြစ်များ

Diɛt 103:11

Acït man ye tënhial mɛc kekë piny yen ee täu de nhiëërdɛn agɔk tëde kɔc ee Yen riëëu.

Diɛt 146:6

Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 89:1

Bɛ̈nydït yɛn bï nhiëërduön agɔk piɔɔny aköölnyïïn, nhiëër agɔk de Bɛ̈nydït aɣet athɛɛr, ku yɛn bï piɔ̈nduön adöt lɛ̈k rɛm ëbɛ̈n në yathok.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.