Diɛt 116:6 - JAM DE NHIALIC 2011

⁶ Bɛ̈nydït ee kɔc kuanynyïïn gël, ɣɔn cän lööny ë riääkic, acï yɛn bɛ̈n kony.

Diɛt 116:6 ပူးပေါင်းရင်းမြစ်များ

Diɛt 106:43

Bɛ̈nydït ee kɔcke luök raan juëc, ku ayek ŋoot ke reeckï thok ku jɔkï lɔ mou ë kërac yic.

Diɛt 142:6

Piŋ dhiëndiën kaar ɛn kuɔɔny, yɛn cï mou ë jiɛthëpiɔ̈u. Kony ɛn tëde kɔc ke aterdï, arilkï awär yɛn.

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Diɛt 25:21

Tɔ rɛ̈ɛ̈r agɔk ku piɔ̈n awai muk ɛn, në luɔi ŋääth ɛn Yïn.

Diɛt 79:8

Du wook dui në biäk de karɛc ke kuarkuɔ. Kokëpiɔ̈u wokë wook, wok cï nïïm ciën aŋäth.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Romai 16:19

Ku piŋ piɛŋ wek löŋ acï ɣet tëde kɔc kedhie. Aguɔ piɔ̈u miɛt në baŋdun, ku ënɔɔnë yɛn kɔɔr luɔi bä wek aa kɔc pelnïïm të lɔ këpiɛth, ku yak kɔc kuc käŋ të lɔ kërac.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

Kolothai 3:22

Wek lïïm, yak ka ke bänykun piŋ, bäny ceŋ wegup, duökï ee luui ë kë woi kɔc, cït man ë kɔc ë kɔc math nyïïn, yak luui në piɔ̈n cïnic anäinäi, në riëëu riëëu wek Nhialic.