Diɛt 116:5 - JAM DE NHIALIC 2011

⁵ Bɛ̈nydït ee piɔ̈u kok ku apiɛth, Nhialicda ee piɔ̈u kok.

Diɛt 116:5 ပူးပေါင်းရင်းမြစ်များ

Edhr 9:15

Yïn Bɛ̈nydït, Nhialic de Yithriɛl, Yïn adöt në kë cï lueel! Ku ënɔɔnë wokï, wok kɔc likkuön cï tɔ dɔ̈ŋ ke ke pïr, wok gam awɛ̈ɛ̈ckuɔ në Yïnɔm, wok cïn nïïm yic duëërë wo bɛ̈ɛ̈i në Yïlɔ̈ɔ̈m.”

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Neɣe 9:31

Ku në biäk dïït ë kokdepiɔ̈ndu, akɛ̈në ke nyääŋ piny, ku nɔn riäk keek. Yïn ee Nhialic de nhiëër de nɔm kokdepiɔ̈u!

Neɣe 9:33

Ee yic yen cï looi bä wo luöi këtuc, cakaa ɣɔn cïï wok wäc ke Yïn ee piɔ̈u piath we wook.

Neɣe 9:8

Acï yök nɔn en raan ee piɔ̈u adöt ke Yïn, ku mac löŋ wekë yen. Acï thɔ̈n en bä gäm piny de kɔc ke Kanaan piny de kɔc ke Ɣit kekë kɔcke piny de Peridh ku Jebuth ku Girgac ke bï ya piny bïï käude rëër thïn. Yïn cï kë cï than piny muk në biäk Yïn Raan adöt.

Diɛt 103:8

Bɛ̈nydït ade kokdepiɔ̈u ku nhiëër, acie dap göth ku athiäŋ ke nhiëër agɔk.

Diɛt 112:4

Ɣɛɛr ee riau në mɔ̈ɔ̈thic në biäk de kɔc lɔ piɔ̈ɔ̈th wai, ku kɔc ee miööc, ku kɔc kok piɔ̈ɔ̈th, ku kɔc piɛthpiɔ̈ɔ̈th.

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Diɛt 119:137

Bɛ̈nydït, Yïn agɔk, ku lööŋku kek aye yith.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Danyel 9:14

Yïn Bɛ̈nydït Nhialicda, yïn aacï rɔt guiir bä wook luöi këtuc, ku acï looi, në biäk ee yïn këpiɛth giit ë luɔi aköölnyïïn, ku yïn kënku piŋ thok.

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Epethiei 2:4

Ku Nhialic Raan kok piɔ̈u aläl, në dït ë nhiëër ë nhiɛɛr en wook,

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.