Diɛt 115:14 - JAM DE NHIALIC 2011

¹⁴ Bɛ̈nydït abï piɔ̈u kok ku gëm yïn mïth yïn wekë kuatdu!

Diɛt 115:14 ပူးပေါင်းရင်းမြစ်များ

Cäk 13:16

Yïn bä gäm mɛnh cït abuui. Na de raan lëu en bï abuui kueen, ka bï mïthku jɔ lëu në kuɛ̈n.

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

2 Tham 24:3

Go Jowap lɛ̈k melik an, “Yïn bïï Bɛ̈nydït Nhialicdu gäm bot juëc ke kɔc, raan bot, ku abï bɛ̈nydiën melik tïŋ ke loi rɔt. Ku eeŋö kɔɔr bä luöi kë cït ee kënë?”

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Dhek 10:8

Acï Bɛ̈nydït lueel an, “Yɛn bï kɔckï cɔɔl ku mat keyiic tëtök. Abä keek luäk bei ë yic, ku ta keek kɛɛr arëët cït man ɣɔn tueŋ.

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Luɔi 3:25

Wek ee mïth ke tït, ku yak mïth ke löŋ, löŋ cïï Nhialic mac kekë kuarkuɔ, wään yöök en Abraɣam an, ‘Ku në käu de yïnguöp abï dhiëën ke piny nɔm aa thieei kedhie.’

Nyöŋ 1:11

Ku yɛn läŋ Bɛ̈nydït de kuarkun, bïï week tɔ ye kɔc juëc raan agum, ku thieei week wedhie, cït man ë kë cï thɔ̈n week.

Nyuuth 7:4

Ku yɛn ë kuën ë kɔc cï gɔ̈ɔ̈r ë katim piŋ, agum kabɔt ku thiërŋuan ku ŋuan, kɔc cï gɔ̈ɔ̈r ë katim ë dhiëën ke mïth ke Yithriɛl yiic kedhie.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.