Diɛt 112:4 - JAM DE NHIALIC 2011

⁴ Ɣɛɛr ee riau në mɔ̈ɔ̈thic në biäk de kɔc lɔ piɔ̈ɔ̈th wai, ku kɔc ee miööc, ku kɔc kok piɔ̈ɔ̈th, ku kɔc piɛthpiɔ̈ɔ̈th.

Diɛt 112:4 ပူးပေါင်းရင်းမြစ်များ

Jop 11:17

Ku pïïrdu abï riau de aköl kääc cil wöör, ku ka ye tak ke ke cït mɔ̈ɔ̈th abïk ciët aköl amiäk.

Jop 22:28

Këduön cï kiëët ëbɛ̈n abï rɔt lëu ku ɣɛɛr abï kueerdu aa meeric.

Jop 29:3

Ɣɔn ye ɣɛɛrde ya meer, ku riɛɛu ɛn të cath ɛn ë mɔ̈ɔ̈thic,

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 116:5

Bɛ̈nydït ee piɔ̈u kok ku apiɛth, Nhialicda ee piɔ̈u kok.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 37:6

abï piathëpiɔ̈ndu tɔ riau cït man akɔ̈l, ku riau yicdu cït man aköl athɛ̈i.

Diɛt 97:11

Ɣɛɛr ee riau tëde kɔc piɛthpiɔ̈ɔ̈th, ku miɛtëpiɔ̈u kekë kɔc lɔ piɔ̈ɔ̈th wai.

Kɛ̈ŋ 21:21

Raan ee piathëpiɔ̈u ku kokdepiɔ̈u cop cök, ee pïïr kekë athiɛɛi ku riëëu yök.

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 58:10

na lak këcam gäm raan nɛ̈k cɔk ku takï raan cïn käŋ kueth, ke mɔ̈ɔ̈th tɔ̈u në welɔ̈m abï rɔt puk ke ye ɣɛɛr de akɔ̈l.

Yith 58:8

“Ëtɛ̈ɛ̈n dhuëëŋdï abï riau cï run de piny ë wegup, ku bɔ̈ɔ̈tkun abïk dap waar. Piathëpiɔ̈ndun abï aa tɔ̈u wenïïm tueŋ, ku dhuëëŋ de Bɛ̈nydït abï we gël ë ɣään yiic ëbɛ̈n.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Luk 6:36

Yak piɔ̈ɔ̈th kok cït man ee Wuöördun piɔ̈u kok.

Jɔn 12:46

Yɛn aa bɔ̈ ë piny nɔm, ke ya ye ɣɛɛrëpiny, ke raan gam ɛn, ke cïï bï rëër tëcol.

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Epethiei 5:15

Yen tiɛɛt wek röt, ku yak cath aŋiɛckï, cït kɔc pelnïïm, duökï ee cath ë cäth ë dhän.

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u: