Diɛt 111:9 - JAM DE NHIALIC 2011

⁹ Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 111:9 ပူးပေါင်းရင်းမြစ်များ

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

1 Lëk 16:15

Duökï nïïm mär në löŋ cï mac, löŋ bï tɔ̈u aɣet athɛɛr,

Diɛt 111:5

Bɛ̈nydït ee këcam gäm kɔc ee Yen riëëu, acïï nɔm ee määr në mände.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Diɛt 99:3

Raan ëbɛ̈n abï dït de rinke bäänyde leec. Yen aɣeric!

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Diɛt 99:9

Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Math 1:21

Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Luk 1:49

Raan ril ee käŋ lëu acï a luöi kadït, ku rinke ayek rin ɣeric ëgɔk.

Luk 1:68

“Thieithieei Bɛ̈nydït, Nhialic de Yithriɛl, acï kɔcke neem ku wëër keek bei,

Epethiei 1:14

Yen aye biäk cï kɔn gäm wook tueŋ, biäk de kë buk lɔ̈ɔ̈k lak, aɣet wëër bï kë cï ɣɔɔc wɛ̈ɛ̈r bei ëtaitai, ke dhuëëŋde bï leec.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 28:58

“Na kënkï wɛ̈ɛ̈t de Nhialic ëbɛ̈n riëëu, wɛ̈ɛ̈t cï gɔ̈ɔ̈r në awerekë yic, ku na kënkï rin ke Bɛ̈nydït Nhialicdun riëëu, rin ke gäi, rin ye kɔc riɔ̈ɔ̈c,

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,