Diɛt 110:6 - JAM DE NHIALIC 2011

⁶ Abï löŋ de juöör ke pinynɔm guiir, ku thiëëŋ pinyden në gup ke kɔc cï thou, abï meliik nu ë pinynɔm ëbɛ̈n tiaam.

Diɛt 110:6 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Diɛt 68:21

Nhialic ë yic abï kɔc de ater në Yen, dhuööŋ nïïm, kɔc ee rɛ̈ɛ̈r në ciɛɛŋ rɛɛcden yic.

Diɛt 68:22

Acï Bɛ̈nydït lueel an, “Yɛn bï kɔc ke aterdu bɛ̈ɛ̈i ciëën në Bacan, abä ke bɛ̈ɛ̈i bei në Abäpdit thar piny të thuth,

Yith 11:3

ku abï miɛtëpiɔ̈u yök në rïïu rïïu En En. Acïï löŋden bï guiir në kë cï tïŋ në yenyin ku nɔn ee kë cï piŋ në yeyïc,

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Maika 4:3

Bɛ̈nydït abï wël ke juöör juëc guiir, juöör ril nu të thiɔ̈k ayï të mec aya. Acïn jur bï jur bɛ yiɛ̈n tɔŋ. Ku cïn raan bï tɔŋ bɛ aa guik. Ka abïk abätɛ̈ɛ̈uken thɔ̈ɔ̈th tɔkï keek ee pur, ku tɔkï tɔɔŋken ee leem ke tëm ë rap.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Jɔn 5:22

Acïn raan ee Wääda löŋde guiir, acï guiëërëlöŋ tääu ë Wënde ciin ëbɛ̈n.

Nyuuth 14:20

Go kën ee mɔ̈u dhiim thïn duöm piny ë jöŋgöör ë pänydït këc biic, ku jɔ riɛm bɛ̈n bei ë kën ee mɔ̈u dhiim thïn yic, abï pëk ë joth ee jöŋgöör mac thook, thiëëŋ piny abï ɣet nhial në meel bot kaarou ku thuthde aaye akeem kadhïc.

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.

1 Tham 2:10

Ku kɔc ke ater de Bɛ̈nydït abï keek riɔ̈ɔ̈k, abïï Bɛ̈nydït keek rɛ̈liic paannhial. Bɛ̈nydït abï kɔc ke piny thar luöi këtuc, abï riɛl gäm melikde, abï melikdɛn cï lɔc tɔ tiëm.”