Diɛt 11:5 - JAM DE NHIALIC 2011

⁵ Bɛ̈nydït ee kɔc rac them ku them kɔc piɛthpiɔ̈ɔ̈th, ku piɔ̈nde aman raan nhiaar akuöörkuöör.

Diɛt 11:5 ပူးပေါင်းရင်းမြစ်များ

Cäk 22:1

Na wën, alɔ aköölkë thök, ke Nhialic ë them Abraɣam, cɔɔl an, “Abraɣam!” Ago Abraɣam gam, lueel an, “Yakï.”

Diɛt 10:3

Kɔc rac ayek röt lɛɛc në kërɛɛc de kek piɔ̈ɔ̈th, röördït piɔ̈ɔ̈th ayek lam aciɛɛn ku reeckï Bɛ̈nydït.

Diɛt 139:1

Bɛ̈nydït, Yïn cï ya them ku Yïn ŋic yɛn.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 21:8

Melik abï kɔc ke aterde peec kedhie, abï raan peec ëbɛ̈n raan man en.

Diɛt 26:2

Them ɛn apiɛth Bɛ̈nydït, caar yapiɔ̈u ku them täŋdï.

Diɛt 5:6

Yïn ee kɔc ee lueth töör riɔ̈ɔ̈k kedhie, Yïn man kɔc ke akuöörkuöör, ayï kɔc ee mɛth.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Jeremia 12:8

Kɔckiën cä lɔc acïk röt pɔ̈k Yɛn, cï köör tɔ̈u rooric, acïk ŋäär ke ke bëk Yɛn, ka Acä ke maan.

Jeremia 20:12

Ku Bɛ̈nydït de rɛm, Yïn ee kɔc them ë yic, yïn ŋic kë nu ë kenïïm ku në kepiɔ̈ɔ̈th. Tɔ ya tïŋ yïn ke yï guur këdï në kɔc ke aterdï, në biäk cän göönydï tääu ë yïcin.

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Malakai 3:3

Abï bɛ̈n nyuc, ku guiir löŋ de kɔc cït man ye raan ateek lëëŋ. Abï Lebai bɛ̈n waak abïk lɔ wic, cït man ye adhääp lëëŋ abï lɔ bilbil. Ku ëtɛ̈ɛ̈n, keek abïk Bɛ̈nydït aa gäm miɔ̈c lɔgɔk.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

1 Pet 4:12

Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.