Diɛt 109:13 - JAM DE NHIALIC 2011

¹³ Ku kɔc ke dhiënde abïk aa thou, ago rinke määr ë kɔc nïïm, kɔc bï lɔ̈ɔ̈k bɛ̈n ë yecök ciëën.

Diɛt 109:13 ပူးပေါင်းရင်းမြစ်များ

1 Mel 16:11

Na ɣɔn cï Dhimri bɛ̈n në bäänyic, ku të wën cï yen jɔ nyuc ë thööny nɔm, ke näk kɔc ke baai de Baaca kedhie. Acï röör raan në yen ku määthke nɔ̈k ëbɛ̈n.

Ethta 9:10

Kek wɛ̈ɛ̈t kathiëër ke Ɣaman, wën de Ɣamedatha ka, raan de ater de Judai, ku akënkï kecin tääu në yäkic.

Jop 18:17

Kɔc ke piny nɔm ayek nïïm määr në yen, acïn raan töŋ tak en anande.

Jop 18:19

Ku acïn nɔm mïth, acïn raan töŋ ë kɔc rɛ̈ɛ̈r ë yen bï ke pɔ̈l ke ke pïïr.

Diɛt 21:10

Acïn kuatdɛn bï döŋ ke pïïr, abïï melik ke nɔ̈k kedhie.

Diɛt 21:11

Ayek kiɛɛrden looi, ku luikï Bɛ̈nydït kiɛɛr rac, ku acïkï bï tiam.

Diɛt 37:28

në biäk nhiɛɛr ë Bɛ̈nydït yic, acïï kɔckɛn cï gam bï pɔ̈l. Kɔc piɛthpiɔ̈ɔ̈th abïk tɔ̈u athɛɛr, ku mïth ke kɔc rac abïï ke cuɔp wei.

Kɛ̈ŋ 10:7

Täŋ ee kɔc nïïm tak në raan piɛth piɔ̈u acie määr, ku man rin ke kɔc ee karɛc looi.

Jeremia 22:30

“Monyë acï mäc luɔi bï yen nɔm ciën mïth, ke bï aa mony cïn kë bï kɔn tiaam. Abï nɔm ciën kuatdɛn bï lɔ̈ɔ̈k aa bɛ̈ny ë Juda, ke cït kɔc bï lɔ̈ɔ̈k tɔ̈u ë nyin de Debid yic. Acä lueel, Yɛn Bɛ̈nydït.”

Kuɛ̈n 27:4

Eeŋö bïï ë rin ke wääda bei në dhiëndenic, ee luɔi kën en dhiëth në mïthwät? Gämkï wook biäkda në kɔc ke wää lɔ̈m.

Nyöŋ 25:19

Ka ënɔɔnë, të cïï Bɛ̈nydït Nhialicdun week gäm piny, ku cï week kony në kɔc ke aterdun ëbɛ̈n, kɔc rɛ̈ɛ̈r ë welɔ̈m, näkkï kɔc ke Amalek kedhie, ago ciën raan bï keek bɛ nyɔk ë täk. Duökï nïïm mär!

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 9:14

Du them luöi bï yïn En jɔ̈ɔ̈ny. Akaar bä keek riɔ̈ɔ̈r nyïïn ë pinynɔm, ago ciën raan bï keek bɛ nyɔk ë täk ananden. Ku yïn bä tɔ ye jur ril aläl awär keek.

1 Tham 3:13

Ë luöi cän e lëk, an, Yɛn bï dhiëndu luöi këtuc në biäk de kërɛɛc yic, mïthke acïk röt tɔ rac, ku acïn kë cï looi në baŋden. Ku akën keek jɔ̈ɔ̈ny.