Diɛt 107:14 - JAM DE NHIALIC 2011

¹⁴ Ku abï Bɛ̈nydït ke bɛ̈ɛ̈i bei ë mɔ̈ɔ̈thic ku mum ë nɔmic ku dhoŋ joth mɛc kek abïk lɔ thorthor.

Diɛt 107:14 ပူးပေါင်းရင်းမြစ်များ

Jop 15:22

Acie ŋäth nɔn bï yen bɛ̈n bei në mɔ̈ɔ̈thic, atit raan bï yen nɔ̈k në abätäu.

Jop 15:30

acï bï poth në thuɔɔu, abï ciët tim cïï kërke nyop në mac, ku kooth Bɛ̈nydït wëi në yom de Yen thok.

Jop 19:8

Yen ë kueerdï thiöök, ka cïn të tɛ̈ɛ̈k ɛn, acï kueerdï mɔ̈ɔ̈r në mɔ̈ɔ̈th,

Jop 3:5

Yen ee köölë, adï cïï luäät kuöm piny, në mɔ̈ɔ̈thdït lɔ cɔ̈t, ku jɔ cuɔl akɔ̈l riääc.

Jop 33:30

ee wëi ke raan gël, ku gëm pïïr mit en piɔ̈u.

Jop 36:8

Ku na cï kɔc rek në kuat, gumkï në biäk de kë cïk looi.

Diɛt 102:20

Acï teer de kɔc cï mac piŋ go kɔc gäm nɔm lääu kɔc cï guiir an bïï ke nɔ̈k.

Diɛt 107:10

Kɔc kɔ̈k aake rɛ̈ɛ̈r të col ku cïk nïïm mum, kɔc cï mac rɛk në joth,

Diɛt 116:16

Yɛn awundu Bɛ̈nydït, Yïn ya luöi, cït man cï maar ye looi. Yïn cï yɛn kony ë thuɔɔu.

Diɛt 146:7

ee yic luöi kɔc yɔŋ, ku miɔc kɔc nɛ̈k ë cɔk në këcam. Bɛ̈nydït ee kɔc mac gäm nɔm lääu,

Diɛt 68:6

Ee raan rɛ̈ɛ̈r Yetök gäm baai bïï cieŋ, ku tɔ kɔc cï mac lony ku tɔ ke kueth, ku kɔc ee Nhialic rɛɛc, abïk rëër ë jɔ̈ɔ̈ric.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 49:9

Abä lɛ̈k kɔc cï mac an, ‘Lakkï në nɔm lääu!’ ‘Ku lɛ̈k kɔc tɔ̈u në mɔ̈ɔ̈th yic an, ‘Bäkkï bei lakkï ë ɣɛɛr yic!’ Abïk ciët amɛ̈l ee nyuäth në kur kor nïïm,

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Luk 13:16

Ku na tiiŋë, nyan ë Abraɣam, nyan cïï Catan mac, dï, ë run kathiëër ku bɛ̈t, cïï duëërë lony ë jonh mɛc en ëkööl ë Thabath?”

Luɔi 5:19

Na wën, ke tunynhial ë Bɛ̈nydït ke liep alooc thok wakɔ̈u, ku bïï keek biic, yöök keek, an,

Luɔi 5:25

Na wën, ke raan bɔ̈, bï ku lueel an, “Tiëŋkï, kɔc wään cäk tääu ë aloocic akɛ̈ɛ̈ckï ë luaŋdït yic, ke ke wëët kɔc!”

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.