Diɛt 106:5 - JAM DE NHIALIC 2011

⁵ Tɔ ya tïŋ kuɛth de kɔcku tɔ ya rɔm miɛtëpiɔ̈u wo jurdu ë tök, në miɛtëpiɔ̈u de lɛc ë kɔcku.

Diɛt 106:5 ပူးပေါင်းရင်းမြစ်များ

2 Tham 20:19

Këda ee wun dït, ku ee wun töŋ de mät, ku ye bäny riëëu ë Yithriɛl. Eeŋö kaar wek bäk riɔ̈ɔ̈k? Kaarkï bäk këde Bɛ̈nydït riɔ̈ɔ̈k?”

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 105:43

Ago kɔckɛn cï lɔc wɛ̈t bei, agokï ket ë diɛt ku woukï në miɛtëpiɔ̈u.

Diɛt 105:6

wek kuat de Abraɣam, awunde, wɛ̈ɛ̈t ke Jakop, raan cï lɔc.

Diɛt 118:15

Piɛŋkï diɛt ke miɛt ë piɔ̈u de tiëm në pɛɛny ke kɔc Piɛthpiɔ̈ɔ̈th yiic an, “Acï riɛl dïït de Bɛ̈nydït looi!

Diɛt 14:7

Yɛn ee lɔ̈ŋ aläl ë luɔi bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï kɔc ke Yithriɛl piɔ̈ɔ̈th miɛt të lee ë Bɛ̈nydït ke bɛ tɔ kueth!

Diɛt 48:11

tɔ kɔc ke Dhiɔn mit piɔ̈ɔ̈th! Yïn ee löŋ de kɔc ŋiëc guiir apiɛth, tɔ miɛtëpiɔ̈u nu ë pɛ̈ɛ̈nydït ke Juda yiic!

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 66:10

Miɛtkï piɔ̈ɔ̈th në Jeruthalem, lak piɔ̈ɔ̈th yum në yen, wek kɔc nhiaar ee pänydïïtë wedhie! Miɛtkï piɔ̈ɔ̈th në yen ënɔɔnë, wek kɔc wään cï ye dhiëëu wedhie!

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.

Dhep 3:14

Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”