Diɛt 105:8 - JAM DE NHIALIC 2011

⁸ Abï mände muk aɣet athɛɛr, ku gutguutde abï tɔ̈u ke aguum ke rɛm bï lɔ̈ɔ̈k bɛ̈n.

Diɛt 105:8 ပူးပေါင်းရင်းမြစ်များ

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

1 Lëk 16:15

Duökï nïïm mär në löŋ cï mac, löŋ bï tɔ̈u aɣet athɛɛr,

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Diɛt 105:42

Aa tak gutguutdɛn ɣeric cï looi kekë awundɛn Abraɣam.

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Diɛt 111:5

Bɛ̈nydït ee këcam gäm kɔc ee Yen riëëu, acïï nɔm ee määr në mände.

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Bɛ̈n 2:24

Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop.

Jeremia 11:5

Ku ëtɛ̈ɛ̈n Yɛn bï gutguut jɔ döt, gutguut cä lɛ̈k kuarken nɔn bän keek gäm piny ee wat ë ca ku miök ë kiëc, piny tɔ̈u tëde keek ënɔɔnë.” Aguɔ lueel an, “Ɣɛɛ, Bɛ̈nydït.”

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Nyöŋ 7:12

Na cäk ee lööŋkë piŋ ku riëëukï keek në piɔ̈n adöt, ke Bɛ̈nydït Nhialicdun abï ŋoot ke muk löŋdɛn cï mac ke week ku abï we nyuöth nhiëër agɔk, cït man cien ë lɛ̈k kuarkun.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

Jocua 21:43

Ago Bɛ̈nydït Yithriɛl jɔ gäm piny ëbɛ̈n, piny ɣɔn cï thɔ̈n kuarken an bï gäm keek. Na ɣɔn, acïk piny nööm, ke ke jɔ piɔ̈ɔ̈t thïn.