Diɛt 105:12 - JAM DE NHIALIC 2011

¹² Kɔc ke Nhialic aake lik në kuën, alɛi nu piny de Kanaan.

Diɛt 105:12 ပူးပေါင်းရင်းမြစ်များ

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 23:4

“Yɛn ee raan lei, ku yɛn rɛ̈ɛ̈r në weyiic eenë. Ɣɔ̈ckï ya piny thiinakäŋ, bän tiiŋdï tɔ̈ɔ̈u thïn.”

Cäk 34:30

Ago Jakop lɛ̈k Thimion kekë Lebi an, “Wek ë ya yiɛ̈n guöp wël. Wek ë rinkï riɔ̈ɔ̈k tëde kɔc de piny, kɔc ke Kanaan ku kɔc ke Peridh. Tiɛ̈ŋkï, wok lik. Na lek keyiic määt, ku yïnkï wo tɔŋ. Cïkï ya bï riɔ̈ɔ̈r nyin wokë baaidï ëbɛ̈n?”

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Luɔi 7:5

Ku acïn piny cï gäm en ee tënë, piny bï nyäŋ mïthke, acakaa biäk thiin duëërë raan lïïr nɔm acïn këdäŋ: aa jɔ lueel tei an, bï gäm en bï aa këde, ku këde mïthkɛn bï lɔ̈ɔ̈k bɛ̈n ë yecök, ku aa ŋoot ke cïn nɔm meth.

Nyöŋ 26:5

Ku ë Bɛ̈nydït nɔm ëtɛ̈ɛ̈n yïn bï ee wëlkë jɔ lɛ̈k Bɛ̈nydït an: ‘Akuaar aaye raan de Aramiin ee cath tei, raan ë leer baaide Rip ke bï lɔ ceŋ ëtɛ̈ɛ̈n. Kuënden aa lik ɣɔn lee kek ëtɛ̈ɛ̈n, ku acïk bɛ̈n juëc ku yek jur ril.

Nyöŋ 7:7

“Bɛ̈nydït aa cï we lɔc në baŋ cä wek kɔc kɔ̈k wöör në juëc, wek aaye jur koor arëët ë piny nɔm,

Ɣeberuu 11:12

Ku ëtɛ̈ɛ̈n në mony tökic, Abraɣam, ke cït kë cï thou në biäk ë cïn en riɛl bï yen mïth yök, acïï mïth juëc bɛ̈n bei në yeguöp, mïth cït ë kuënden kuɛl nhial ku cïtkï liɛɛt ë wɛ̈ɛ̈r yɔu cïï lëu në kuɛ̈n.

Ɣeberuu 11:9

Në gäm de yic aŋäth yen aa tɔ ye rɛ̈ɛ̈r wun cïï Nhialic gäm en ke cït kaman. Aake ye rëër ë pɛɛnyiic ayï Yithaak ku Jakop kɔc wään cïï Nhialic ke bɛ̈n ŋoot ë ke gëm ee thönë.