Diɛt 104:30 - JAM DE NHIALIC 2011

³⁰ Ku të cï Yïn ke gäm wëi, ka acï keek cak, Yïn cï pïïr cï piac looi bɛ̈ɛ̈i ë pinynɔm.

Diɛt 104:30 ပူးပေါင်းရင်းမြစ်များ

Jop 12:10

Ciinde yen apïïrë kë ë ciɛk ëbɛ̈n, ayï wëi ëbɛ̈n ye mɛnh ë raan ke wëi.

Jop 26:13

Wëide ee paannhial weeric abï lɔ wic, ku cinke aye Yen ke ŋuäldït kɔɔr bän thɔ̈ɔ̈ric.

Jop 33:4

Wëidït ke Nhialic Awärjäŋ acïk ya looi ku gëmkï ya pïïr.

Diɛt 33:6

Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Yith 65:17

Aye Bɛ̈nydït lueel an, “Yɛn loi piny cï piac cak ku paannhial cï piac cak. Kathɛɛr wään cï röt looi abïk määr në kɔc nïïm taitai.

Yith 66:22

“Cït man bï piny cï piac cak ku paannhial cï piac cak tɔ̈u në riɛldï, yen abï kuatdu ku rinkun tɔ̈u aya.

Edhekiɛl 37:5

lɛ̈kë keek, Yɛn Bɛ̈nydït Awärjäŋ alɛ̈k keek an: Yɛn lɔ wëi tääu në weyiic ku bɛ week bɛ tɔ pïïr.

Edhekiɛl 37:6

Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Edhekiɛl 37:9

Go Nhialic lɛ̈k ɛn an, “Mɛnh ë raan, cäärë yom. lɛ̈kë yom an Bɛ̈nydït Awärjäŋ acï yïn yɔ̈ɔ̈k bä bɛ̈n në ɣään kedhie, bä wëi bɛ̈n kuɔɔth në gup cï thuowë yiic, ku bä keek bɛ tɔ pïïric”.

Epethiei 2:1

Ku we cïï Nhialic tɔ ɣɔ̈ɔ̈r, wek kɔc ɣɔn cï thou në kakuön ë yak looi.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

Nyuuth 21:5

Go Raan rɛ̈ɛ̈r ë thöönydït nɔm lueel, an, “Tiëŋkï, yɛn nyɔk käŋ ë luɔi kedhie!” Go ya yɔ̈ɔ̈k an, “Gäär: luɔi le wëlkë gɔk ku yek yith.”