Diɛt 103:19 - JAM DE NHIALIC 2011

¹⁹ Bɛ̈nydït acï thönyde tääu piny paannhial. Yen ë meliŋ de ciɛɛŋ ëbɛ̈n.

Diɛt 103:19 ပူးပေါင်းရင်းမြစ်များ

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

1 Lëk 29:12

Kuɛth ku riëëu kedhie ayek bɛ̈n tëde Yïn, ku ee Yïn ee bɛ̈ny de kɔc kedhie. Ku ciindu ade yic riɛldït, ku ciindu abï Yïn göök dït looi, ku Yïn ee riɛl gäm kɔc kedhie.

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Diɛt 115:3

Nhialicda anu paannhial, ee këdɛn kɔɔr looi.

Diɛt 2:4

Go Bɛ̈nydït dɔl paannhial në thönyde nɔm, ke geet ɣääriicken.

Diɛt 47:2

Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

Diɛt 9:7

Ku Bɛ̈nydït Yen aye melik aɣet athɛɛr, acï thöönyde kiëët ke bï löŋ guiir.

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Ɣeberuu 8:1

Këdan luelku an, wok de nïïm Bɛ̈nydïït ë kake Nhialic, Bɛ̈ny rɛ̈ɛ̈r ë ciin cuëëny ë thööny ë Awärjäŋ paannhial.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.