Diɛt 103:14 - JAM DE NHIALIC 2011

¹⁴ Yen aŋic kën ë ciɛ̈k wook, ku akën nɔm määr nɔn ye wook abuui.

Diɛt 103:14 ပူးပေါင်းရင်းမြစ်များ

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

Jop 10:9

Tak Yïnɔm nɔn ee Yïn ë cuëc ɛn në tiɔp, ku duɛ̈ɛ̈rë ya bɛ riɔ̈ɔ̈k dakë yanɔm abuui yic?

Jop 13:25

Eeŋö riëëc Yïn apäm lɛɛn biɔk ë yom, ku cop wɛ̈ɛ̈l lɛɛn cï ril wei cök?

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Diɛt 89:47

Ye Yïnɔm tak në luöi lik ë nïnkiën ke pïïr, ku ŋic aya, nɔn cï Yïn wo cak ke wo ye kɔc tei!

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Yith 29:16

Acïk këriëëc ëbɛ̈n, luööŋ nɔm piny. Ee kënou de naamde ee raan ee töny cuëëc ku ee tiɔp? Duëër kën ë looi raan lɛ̈k raan ë loi yen an, “Acie yïn ë loi yɛn?” Ku nɔn lɛ̈k en an, “Yïn kuc kë loi?”