Diɛt 100:5 - JAM DE NHIALIC 2011

⁵ Bɛ̈nydït apiɛth, ku nhiëërdɛn agɔk ee tɔ̈u athɛɛr, ku piɔ̈ndɛn adöt ee tɔ̈u ke rɛm ëbɛ̈n.

Diɛt 100:5 ပူးပေါင်းရင်းမြစ်များ

1 Lëk 16:34

Gamkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

Edhr 3:11

Gokï ket në diɛt piɔɔny kek Bɛ̈nydït ku jɔkï pal ke ke wëër diɛt në kët, an: “Bɛ̈nydït apiɛth, ku nhiëërdɛn agɔk atɔ̈u athɛɛr ke Yithriɛl.” Go kɔc kedhie kiɛɛu moc ë röldït wën piɔɔny kek Bɛ̈nydït, në biäk cïï këërkëër de Luaŋdït tääu piny.

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 107:1

“Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!

Diɛt 107:15

Abïk Bɛ̈nydït dhil lɛc nɔm, në biäk ë nhiëërdɛn agɔk, në biäk de ka gɛ̈iyë cï ke luöi keek.

Diɛt 107:22

Abïk Bɛ̈nydït dhil gäm miɔ̈c de thieithieei, ku në diɛt ke miɛtëpiɔ̈u abïk ka cï looi kedhie nyuɔɔth.

Diɛt 107:8

Abïk Bɛ̈nydït dhil leec në biäk de nhiëërdɛn agɔk, në biäk de kagɛ̈iyë cï looi.

Diɛt 119:68

Piathdu adït, yïn dik! Wɛ̈ɛ̈të yɛn në lööŋku.

Diɛt 138:8

Yïn bï këriëëc cï yïn gutguut lueel ëbɛ̈n looi, Bɛ̈nydït nhiëërduön agɔk ee tɔ̈u athɛɛr! Thöl luɔiduön cï gɔl.

Diɛt 146:6

Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

Diɛt 25:8

Bɛ̈nydït apiɛth ku le piɔ̈u wai, Yen aye kɔc cï wäc nyuöth kueer bïk kuany yic.

Diɛt 36:5

Bɛ̈nydït nhiëërduön agɔk ee ɣet paannhial, piɔ̈nduön adöt ee ɣet nhial ë luätic.

Diɛt 52:1

Eeŋö ee yïn rɔt lɛɛc në kërɛɛcdu, raan ril? Eeŋö yïn kërac luöi kɔc piɛthpiɔ̈ɔ̈th. Piɔ̈n adöt ë Nhialic ee tɔ̈u athɛɛr.

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak: