Diɛt 10:16 - JAM DE NHIALIC 2011

¹⁶ Bɛ̈nydït ee melik aɣet athɛɛr. Juöör ee yiëth kɔ̈k lam abïk määr pinyde.

Diɛt 10:16 ပူးပေါင်းရင်းမြစ်များ

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

Diɛt 145:13

Ciɛɛŋdu ee ciɛɛŋ tɔ̈u athɛɛr, ku yïn ee melik aɣet athɛɛr. Bɛ̈nydït adöt në gutguutde yic ëbɛ̈n, ku ee piɔ̈u kok në luɔide yic ëbɛ̈n.

Diɛt 146:10

Bɛ̈nydït ee melik aɣet athɛɛr. Nhialinydu yïn Dhiɔn abï bääny muk aköölnyïïn kedhie. Lɛckï Bɛ̈nydït!

Diɛt 29:10

Bɛ̈nydït ee thööcde tääu në amool nɔm, amuk baai ke ye melik aɣet athɛɛr.

Diɛt 78:55

Acï juöör ceŋ wut bɛ̈n cieec ɣɔn lee ë kɔcke ke ke bɔ̈, go pinyden tɛ̈k dhiëën ke Yithriɛl, ku gëm ɣöötken kɔc ke.

Diɛt 9:15

Juöör ke pinynɔm acïk pul wec ku acïk wïïk thïn, acïï wïïnkɛn ke dɛ̈p keek dɔm.

Diɛt 9:5

Yïn ë juöör ke pinynɔm nen, ku riäk kɔc ee karɛc looi. Acïï ke bï bɛ tak taitai.

Diɛt 9:8

Ee pinynɔm cieŋ në piathëpiɔ̈u, ku cieŋ juöör në yic.

Diɛt 93:1

Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Bɛ̈n 15:18

Bɛ̈nydït, Yïn aye melik ë caaŋdu.”

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Dhiëëu 5:19

Ku Yïn Bɛ̈nydït, Yïn ee Melik aɣet athɛɛr, ku thöönydu abï ceŋ ë rɛm juëc yiic.

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Nyöŋ 8:20

Na cäkkï Bɛ̈nydït lɔ riëëu, ke we bï riɔ̈ɔ̈r nyïïn cït juöör ɣɔn kɔn ë ke riɔ̈ɔ̈r nyïïn në wenïïm, në baŋ kɛ̈n wek röl de Bɛ̈nydït Nhialicdun piŋ.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.