Diɛt 10:11 - JAM DE NHIALIC 2011

¹¹ Ago kɔc rac röt aa yöök an, “Nhialic ë nɔm määr! Ë yenyin kum ka acïï wo bï bɛ tïŋ ë caaŋde!”

Diɛt 10:11 ပူးပေါင်းရင်းမြစ်များ

Diɛt 10:6

Ayek lɛ̈k röt kapäc an, “Wok cïï duëër kɔn wïïk, acïn nuan duëër wo kɔn yök.”

Diɛt 59:8

Ku aye keek dɔl gup Bɛ̈nydït, Yïn ee juöör mac yiëth dɔl gup kedhie.

Diɛt 64:5

Ayek röt coc në kïït de kërac, ayek jam në baŋ bïï kek wïn ë dɛ̈p thiaan piny, ayek lueel an, “Cïn raan bï keek tïŋ.”

Diɛt 64:6

Ayek kiɛɛr rac tak, ku luelkï an, “Wok cï gök de kërac looi.” Në thuuth ë täŋ de mɛnh ë raan.

Diɛt 73:11

Ayek lueel an, “Acïï Nhialic bï ŋic, acïï Nhialic Awärjäŋ bï yökic.”

Diɛt 94:7

Ku yek lueel an, “Akën ë Bɛ̈nydït tïŋ, Nhialic de Yithriɛl akuc kë loiku.”

Wɛ̈ɛ̈t 8:11

Eeŋö ye kɔc karɛc dap looi? Ee biäk cïï kɔc ë karɛc looi ee dap luöi këtuc aruööthic.

Edhekiɛl 8:12

Go Nhialic a thiëëc an, “Mɛnh ë raan cï kë cï röördït ke baai de Yithriɛl looi ë cuëër tïŋ? Keek alɛ̈mkï kedhie ɣön cï thiäŋ kekë yiëth. Kë ye kek röt dam kï: ‘Bɛ̈nydït acïï wook woi! Acï piny nyääŋ piny.’ ”

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Ɣodh 7:2

Akuckï luɔi ŋiɛc Ɛn karɛckɛn loikï kedhie. Acïkï ŋic nɔn ŋiɛc Ɛn këriëëc rɛɛcdɛn loikï ëbɛ̈n. Acïï awɛ̈ɛ̈cken ke gɛɛu cil, awɛ̈ɛ̈cken awɔi keek kedhie në cieŋ.

Mak 2:6

Ku ade kɔc kɔ̈k rɛ̈ɛ̈r ëtɛ̈ɛ̈n kɔc ë löŋ gɔ̈ɔ̈r, kɔc wën jam ë kepiɔ̈ɔ̈th an,

Luk 7:39

Na wën, ke Parithai wën cï Yecu cɔɔl, të cï en e tïŋ, ke jɔ lueel ë yepiɔ̈u an, “Raanë tëë ye tiët, adï cï tiiŋë ŋic, tiiŋ ë jak en, ku adï cï täude ŋic, ee tiiŋ ee kërac looi!”