Dhiëëu 4:9 - JAM DE NHIALIC 2011

⁹ Kɔc cï thou ë tɔŋic aŋuänkï, në kɔc ë thou ciëën, kɔc ë thou ë määth ë cɔk ke cïn kuïn tɔ keek pïïr.

Dhiëëu 4:9 ပူးပေါင်းရင်းမြစ်များ

2 Mel 25:3

Në kööl ye pɛɛi de ŋuan thok dhoŋuan në ee ruöönë yic, cɔk aa cï dït arëët wutic, aa cïn këman ciɛm ë kɔc ke wut.

Bɛ̈n 16:3

Ku luelkï an, “Aŋuɛ̈n na Bɛ̈nydït ë cï wo nɔ̈k ë Rip. Adï cuëtku në rïŋ, ku ciëmku në kuïïn cït kë kɔɔr ë piɔ̈nda. Ke we bïï wo bei në ee jɔ̈ɔ̈rë yic bäk amatnɔm ëbɛ̈n bɛ̈n nɔ̈k në cɔk.”

Yith 22:2

Pänydït ëbɛ̈n ade yic anuɔɔn, ë thiäŋ kekë awuɔɔu ku miɛtëpiɔ̈u. Kɔckuön cï thou ee tɔŋë yic, aake cïï thou ke ke thäär.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Edhekiɛl 24:23

Wek cïï bï cath ke we kuöm nïïm, ku cäkï cath ke we ceŋ war, we cïï bï dhiau ku cäkï dhuöör. Wek bï thöök wei në biäk de awɛ̈ɛ̈ckun, ku dhiaukï ke we teer wapäc.

Edhekiɛl 33:10

Go jam de Bɛ̈nydït bɛ̈n tëde yɛn an. “Mɛnh ë raan, nyɔk kënë yic baai de Yithriɛl kë yek lueelë an: ‘Wok cïï duɔɔny në awɛ̈ɛ̈ckuɔ, ku ka cuk ke wuööc. Wok bï thök. Duëërku pïïr adï?’

Edhekiɛl 4:16

Go bɛ lueel an, “Mɛnh ë raan, Yɛn lɔ kueer ee kacaam bɛ̈ɛ̈i Jeruthalem teem kɔ̈u. Kɔc tɔ̈u ëtɛ̈ɛ̈n abïk piɔ̈ɔ̈th jiɛth ku diɛɛrkï të le kek kuïn camkï aa them, ku themkï pïïu yek dek.

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Lebai 26:39

Kɔc cï döŋ ke ke pïïr ë weyiic abïk riɛ̈ɛ̈r wei, piny de kɔc dɛ wek ater në biäk de karɛcken. Ku abïk riɛ̈ɛ̈r wei ayadäŋ në biäk de karɛc ke wärken.

Nyöŋ 28:51

Abïk ɣɔ̈kkun cuet ku rɛɛpkun, ku we bï thou në cɔk. Acïn rap töŋ bïk nyäŋ week, ayï mɔ̈u, ayï miök, ayï weŋ, ayï thök, ku we bï thou.