Dhiëëu 4:5 - JAM DE NHIALIC 2011

⁵ Kɔc ɣɔn cïï kuïn piɛth kɔn aa cam athoukï në cɔk ë kuɛɛr yiic. Kɔc ɣɔn muk keek ë pïïr lɔ läŋic, atëërkï kuïn cï cuat wei.

Dhiëëu 4:5 ပူးပေါင်းရင်းမြစ်များ

2 Tham 1:24

Diäär ke Yithriɛl dhiëëukï Thaulo! Acï week gäm lupɔɔ thith cieŋkï keek. ku tɔ we ceŋ adhääp ku guët ariauriau.

2 Mel 18:27

Go ë Rabcaka bɛ̈ɛ̈r an, “Yak tak duëër aa këdun week në melikdun, yen duëër ë melik de Athiriya a tuöc week wapäc bä ee kakë bɛ̈n lueel? Acie yen, yɛn jiëëm kɔc rɛ̈ɛ̈r ë kal ë pänydït kɔ̈u ayadäŋ, kɔc ee kek bï wärken cam ku dekkï lacken në week ëtök.”

Jop 24:8

ku deŋ liir ë kur nïïm ee ke tuɛ̈ny, agokï röt lɔ kuaak në aguuk ke kuriic agokï gup tuöc.

Kɛ̈ŋ 31:21

Të ciɛk ë piny liɛɛr, acie diɛɛr në luɔi de yen nɔm lupɔɔ dhïl bïï baaide ke kum.

Dhiëëu 1:11

Kɔc ke Jeruthalem ayek teer ke ke kɔɔr kë bïk cam. Ayek wëuken waar në këcam bï ke muk apïïr. Pänydït ee cööt, an, “Bɛ̈nydït, tïŋ ɛn, woi ɛn në nuandï yic.

Luk 15:16

Ku aa de piɔ̈u arëët luɔi bï en e yäc aa thiɔ̈ɔ̈ŋ në thel ee kudhuur cam, ku acïn raan ee ye miɔɔc.

Luk 16:19

“Raan anu raan juëc ë kakë, ku ye lupɔ thiith amujuŋ cieŋ, lupɔ piɛth lɔ mot, ku ye cam ë kamit ku ye rëër ke ye adhuɛ̈ŋ ë aköölnyïïn kedhie.

Luk 7:25

Ku ë we lɔ biic lak ŋö tïŋ? Ee raan ceŋ lupɔ lɔ nip? Tiëŋkï, kɔc ceŋ lupɔ cï läkëläk, ku yek kak ë mitëmit cam, kek aye tɔ̈u ë ɣööt ke meliik yiic!

1 Tim 5:6

Ku tiiŋ ee kuɛth ë yänyde kɔɔr tei, na ciɛk pïïr ka cï thou.