Dhiëëu 4:16 - JAM DE NHIALIC 2011

¹⁶ Bɛ̈nydït acïï be diɛɛr ë biäkden, yen guöp acï keek thiäi piny. Acïn riëëu kekë kokdepiɔ̈u ye nyuöth bänykuɔn ke kakë Nhialic ayï röördïtkuɔ.

Dhiëëu 4:16 ပူးပေါင်းရင်းမြစ်များ

Cäk 49:7

Aciɛɛn abï tɔ̈u ke ŋeenyden, në luɔi yen ŋeeny nɛ̈k. Ku tɔ̈u aciɛɛn ke agönhden, në luɔi rɛɛc en arëët. Abä ke thiäi ë piny ë Yithriɛlic ëbɛ̈n. Abä keek wɛɛr ë kɔc ke Yithriɛliic.

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Diɛt 106:27

ku bï kuatden thiäi ë juöör yiic, ku tɔ ke thou në wuöt kɔ̈k yiic.

Diɛt 106:44

Ku Nhialic ee ŋoot ke piŋ dhiënden ago piɔ̈u kok kekë nuanden.

Yith 24:2

Raan ëbɛ̈n abï ë kënë yök, bäny ke kake Nhialic, ku kɔc tei, lïïm ku bäny, kɔc ee ɣööc ku kɔc ee käŋ ɣaac, kɔc ee kɔc dhɛ̈ɛ̈n ku kɔc ee dhëën, ku kɔc kueth ku kɔc kuanynyïïn.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 15:4

Yɛn bï kɔc ke piny nɔm ëbɛ̈n aa tɔ riɔ̈c ë keek, në biäk de kë cï Ɣedhekia wën de Manatha looi ë Jeruthalem wään yen melik.”

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 52:24

Ku mat ee kakë cök, Nebudharadan bɛ̈ny ë rem de tɔŋ, acï ee kɔckë jɔt ke ke mac yï: Theraya bɛ̈ny tueŋ de kakë Nhialic, ku Dhepania bɛ̈ny lɔ në yecök, ku kɔc kɔ̈k kadiäk, bäny de naamden Luaŋdït.

Dhiëëu 2:20

Bɛ̈nydït, tïŋ tei. Eeŋö jɔ yïn wo luöi këtuc aya? Diäär acuetkï rïŋ ke mïthkɛn nhiaarkï! Bäny ke kake Nhialic ku tït anäk keek tëɣeric guöpde!

Dhiëëu 2:6

Acï Luaŋdït ye wok E lɔ̈ŋ thïn riɔ̈ɔ̈k abï lɔ thorthor. Bɛ̈nydït acï akööl ɣeriic ku akööl ke Thabath tɔ kääc. Melik ayï bɛ̈ny de kake Nhialic keek kedhie, acïk atuöc de agönhde yök.

Dhiëëu 5:12

Bänykuɔ acï ke jɔt ku nɔ̈k keek, ku röördïtkuɔ acïï keek ee riëëu gup.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 32:26

Aduëër keek riɔ̈ɔ̈r nyïïn taitai, ago ciën raan bï keek bɛ tak.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!