Dhiëëu 3:57 - JAM DE NHIALIC 2011

⁵⁷ Yïn cï lɔ̈ŋdï bɛ̈n bɛ̈ɛ̈r, ku yɔ̈ɔ̈kë yɛn nɔn cän bï riɔ̈ɔ̈c.

Dhiëëu 3:57 ပူးပေါင်းရင်းမြစ်များ

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

2 Mel 19:6

go ë Yithaya pɔ̈k nɔm keek an: “Aye Bɛ̈nydït lueel an, duökï röt tɔ riɔ̈c në wël cï kɔc ke Athiriya ke lueel an, cïï Bɛ̈nydït week bï kony.

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Diɛt 145:18

Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 69:18

Bäär të nu yɛn ku kony ɛn, luäk ɛn tëde kɔc ke aterdï.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Jeremia 1:17

Guiir rɔt, Jeremia, lɔ lɛ̈k ë keek këriëëc cä lɛ̈k yïn ëbɛ̈n an, bä lɔ lɛ̈k keek. Du riɔ̈c në keek ënɔɔnë, ku nɔn bä yïn tɔ riɔ̈c ë keek arëët, të le yïn lɔ tɔ̈u në keyiic.

Luɔi 18:9

Ku yöök Bɛ̈nydït Paulo wakɔ̈u ke ee nyuöth an, “Du riɔ̈c, ye wël guiir, du mim,

Luɔi 27:24

ku jɔ lueel an, ‘Du riɔ̈c, Paulo, yïn bï dhil lɛɛr ë Kaithar nɔm. Ku tïŋ, Nhialic acï yï gäm pïïr pïïrë kɔc cath wek kedhie ayadäŋ.’

Ɣeberuu 7:19

Löŋ akën kɔc wään ee Nhialic lɔ̈ŋ në ee kueerë ɣɛɛt të duëër kek dikëdik. Go Nhialic kueer däŋ bï wok thiɔ̈k në Yen looi, a gëm wook aŋäth ŋuän.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.