Dhiëëu 3:38 - JAM DE NHIALIC 2011

³⁸ Këpiɛth ku kërac kedhie ayek röt looi kedhie në jam de Bɛ̈nydït.

Dhiëëu 3:38 ပူးပေါင်းရင်းမြစ်များ

2 Tham 16:10

Go ë melik puɔ̈k nɔm Abicai kekë mänhë Jowap an, “Acïn këdun yic thïn në yen, wɛ̈ɛ̈t ke Dheruia. Na cieen ɛn në biäk cïï Bɛ̈nydït ye yɔ̈ɔ̈k, eeŋa duëër yen thiëëc?”

Jop 2:10

Go lɛ̈k tiiŋde an, “Yïn e jam tei ë jam ë raan piɔlpiɔ̈u. Na yok kapiɛth gam tëde Nhialic, eeŋö cïï wok katuc thook ee guum aya?” Në ee kakë yiic kedhie akën wäc në yeliep.

Diɛt 75:7

Ee Nhialic Yen ee Bɛ̈ny de luk, abï kɔ̈k mac, ku lony kɔ̈k.

Kɛ̈ŋ 29:26

Kɔc ayek dap riŋ ke ke lɔ tëde bäny, ku guiëër ë löŋ yic aye yök tëde Bɛ̈nydït.

Wɛ̈ɛ̈t 7:14

Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Jeremia 32:42

“Cït man cän ee riääkkë bɛ̈ɛ̈i në ee kɔckë gup, Abä keek bɛ gäm kapiɛth cä lueel ë gutguut nɔn bän ye gäm keek.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?