Dhiëëu 3:32 - JAM DE NHIALIC 2011

³² Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Dhiëëu 3:32 ပူးပေါင်းရင်းမြစ်များ

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

Diɛt 103:11

Acït man ye tënhial mɛc kekë piny yen ee täu de nhiëërdɛn agɔk tëde kɔc ee Yen riëëu.

Diɛt 30:5

Agönhde ee guɔ thök ëthiäu, ku piathëpiɔ̈nde ee tɔ̈u në pïïric ëbɛ̈n. Dhiëëu aduëër rɔt cuuth ë wɛ̈ɛ̈ric ëbɛ̈n, ku miɛtëpiɔ̈u ee bɛ̈n adurduur.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Bɛ̈n 2:23

Ku në ee runkë yiic, melik ë Rip ë bɛ̈n thou, ku ŋoot kɔc ke Yithriɛl ke ke dhiau piɔ̈ɔ̈th në ciɛɛŋ cieŋ ë keek, ku yek kuɔɔny dhiëëu. Go Nhialic dhiënden piŋ.

Bɛ̈n 3:7

Go Bɛ̈nydït lueel an, “Yɛn ë ciɛɛŋ kuc ë kɔckï cieŋ tïŋ paan ë Rip, ku piɛŋ dhiënden aya. Dhiën dhiëëu kek luääk luɛ̈k ë ke bei në bäny yɔŋ keek cin. Ku Yɛn ë guöm gum kek tïŋ,

Yith 27:8

Acï Bɛ̈nydït ke luöi këtuc në luɔi cïï Yen ke lɛɛr ë pɛ̈cic. Aake jɔt wei në yom de guöp akuöörkuöör ë bɔ̈ të lɔ aköl amiäk.

Yith 54:7

“Yïn aa nyääŋ piny në kaam thiinakäŋ, yïn bä pɔ̈k nɔm ciëën në nhiëër dït.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Dhiëëu 3:22

Nhiëër agɔk de Bɛ̈nydït acie kɔ̈ɔ̈c, ku kokdepiɔ̈ndu aŋoot ke tɔ̈u.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Naɣum 1:12

Kë ye Bɛ̈nydït lueel kï an, “Na cakaa nɔn juëc ë kɔc ke Athiriya, ku rilkï, abä ke riɔ̈ɔ̈r nyïïn ka bïk liu. Na cakaa nɔn cän week luöi këtuc wek kɔckï, wek cä keek bï bɛ nyɔk ë luöi Ɛn week këtuc.

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.