Dhiëëu 3:25 - JAM DE NHIALIC 2011

²⁵ Bɛ̈nydït apiɛth kekë raan ëbɛ̈n, raan ee yen ŋɔ̈ɔ̈th.

Dhiëëu 3:25 ပူးပေါင်းရင်းမြစ်များ

Cäk 49:18

“Yɛn tit kuɔɔnydu Bɛ̈nydït.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 19:3

Ku cakaa nɔn tɔ̈u en aya, ade këpiɛth ë yïguöp. Yïn cï kïït ke yanh tik Acera ye kɔc lam nyaai, ku acï them bä këde piɔ̈n ë Bɛ̈nydït kuany yic.”

2 Lëk 30:19

“Bɛ̈nydït Nhialic de kuarkuɔ, në piathdu pälë ee kɔc läŋ yïn ë piɔ̈ɔ̈thken ëbɛ̈n awɛ̈ɛ̈cken, acakaa nɔn kën kek lööŋ ke tëɣeric agɔk döt.”

2 Lëk 31:21

Ku kë ye looi ëbɛ̈n aaye tiam thïn, në biäk de ka cï luöi ɣön ë Nhialic ëbɛ̈n, ku në biäk yen wëët ku lööŋ kuany cök, aaye looi në yepiɔ̈u ëbɛ̈n ë riëëu de Nhialic ago jɔ kuɛth.

Edhr 8:22

Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Diɛt 105:3

Jakï piɔ̈ɔ̈th miɛt në rinkɛn ɣeriic, tɔ kɔc ee Yen lam mit piɔ̈ɔ̈th.

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Diɛt 25:8

Bɛ̈nydït apiɛth ku le piɔ̈u wai, Yen aye kɔc cï wäc nyuöth kueer bïk kuany yic.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Diɛt 27:8

Acï lueel an, “Bä lam ɛn,” Aguɔ bɛ̈ɛ̈r an, “Yɛn bï bɛ̈n, Bɛ̈nydït”

Diɛt 37:34

Ye Bɛ̈nydït ŋɔ̈ɔ̈th, ku ye lööŋke riëëu, abï yïn biɔɔl në piny, ka yïn bï kɔc ee karɛc looi tïŋ acopë wei.

Diɛt 37:7

Ŋɔ̈th Bɛ̈nydït ku tit, du piɔ̈u ee diu të cïï kɔc kɔ̈k kuɛth, ku nɔn ee të cïï kïït de raan rac tiam.

Diɛt 39:7

Eeŋö däŋ pei bä ŋɔ̈ɔ̈th tëde Bɛ̈nydït? Ee yïn aya ŋɔ̈ɔ̈th Yïtök.

Diɛt 61:1

Piŋ dhiëndï Nhialic, ye lɔ̈ŋdï piŋ!

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Diɛt 69:32

Të lee ë kɔc yɔŋ ee kënë tïŋ, abïk piɔ̈ɔ̈th miɛt, kɔc ee Nhialic lam abïï ke riit piɔ̈ɔ̈th.

Diɛt 71:14

Yɛn bï aŋäthdï tääu në Yï guöp ëceŋ. Yïn bä leec aläl.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 26:9

Yïn ya kɔɔr ë Yapiɔ̈u ëbɛ̈n wakɔ̈u, të ye Yïn löŋ de piny guiir kekë kɔc nu thïn, abïk wëët kedhie në piathëpiɔ̈u.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Yith 64:4

Acïn raan töŋ cï Nhialic cït yïn kɔn tïŋ ku acïn raan cï ye kɔn piŋ, raan ee ka cït ee kake luöi kɔc cï aŋäthden tääu ë yeguöp.

Dhiëëu 3:26

Ka apiɛth tëde wook buk En tiit ëmääth. Buk tiit bïï wook kony.

Ɣodh 10:12

Gɔ̈lkï röt duum ku cuömkï röt piathëpiɔ̈u, ke wek bï kakë nhiëër agɔk yök, ke cie luɔi rac. Në biäk ye kek akööl ke kɔ̈ɔ̈r kɔɔr ë Bɛ̈nydït, agut kööl bï Yen bɛ̈n, bï week bɛ̈n gäm athiɛɛi.

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

1 Theth 1:10

ku bäk Wënde aa tiɛɛt paannhial, Wëndɛn cï jɔ jɔt ë kɔc cï thou yiic, yen Yecu raan cïï wo luök ë agönh bï bɛ̈n.

Jakop 5:7

Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.