Dhiëëu 3:11 - JAM DE NHIALIC 2011

¹¹ Ee yɛn cuɔp ë kueer këc, ku thim ɛn ë thïïm ku nyiëëŋ a piny.

Dhiëëu 3:11 ပူးပေါင်းရင်းမြစ်များ

Jop 16:7

Ee yic Nhialic acï riɛldï thöl, ka yɛn cï bäp, Yen ë baaidï riɔ̈ɔ̈r nyin ëbɛ̈n.

Diɛt 143:4

Yɛn cï thiɔ̈k wo luöi bän bäp, yɛn cï dak aläl.

Diɛt 50:22

“Piɛŋkï kënë, wek kɔc ee nïïm määr në Nhialic, ke we cä bï riɔ̈ɔ̈k, ku acïn raan bï we luök.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Jeremia 15:3

Acä guiir Yɛn Bɛ̈nydït nɔn bïï karil yiic kaŋuan rö luöi keek: Abï keek nɔ̈k në abätäu, gupken abïï jɔ̈k keek thɛl wei, abïï diɛt keek ŋueet, ku läi roor abïk ka cï döŋ cuet.

Jeremia 19:8

Yɛn bï gökdïït de riääk bɛ̈ɛ̈i ë pänydïtic, ka raan bï aa tɛ̈ɛ̈k ëtɛ̈ɛ̈n abï wɛ̈ɛ̈ŋ ku gɛ̈i arëët.

Jeremia 32:43

Aye kɔc lueel an pinyë abï ciët jɔ̈ɔ̈r të cïn kɔc ku läi ee ceŋ thïn, ku an bïï gäm kɔc ke Babilonia. Ku duum abïï ke bɛ aa ɣɔɔc thïn.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 6:8

Kɔc ke Jeruthalem, takkï ee nuɛɛnkë ee ka jäny week, na cäkkï lɔ looi, ke we bä pɔ̈l, Yɛn bï pänydïïtdun tɔ ee jɔ̈ɔ̈r, të cïn raan bï rëër thïn.”

Dhiëëu 1:13

“Acï mac tuööc paannhial, many ee bɛ̈n dɛ̈p ë yayic. Acï yɛn deep ë wïn de dɛ̈p ku bïï ɛn piny. Ku jɔ yɛn pɔ̈l ku nyiëŋ ɛn arɛɛm cie kɔ̈ɔ̈c.

Dhiëëu 3:10

Ee ya tiit cï köör ayuääl, ku ee kɛɛc ë yakɔ̈u cï köör.

Danyel 7:23

Kënë yen ee wërë yic ë gämë yɛn an: “Lɛ̈n de ŋuan yen aye wun de ŋuan, wun bï nu ë piny nɔm ku abï wuöc ke wuöt kɔ̈k. Abï piny nɔm kuem ëbɛ̈n ku dum piny ëbɛ̈n.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Math 23:38

Tiëŋkï, ɣöndun acï nyäŋ week ke cï riääk.

Nyuuth 18:19

Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”