Dhiëëu 2:9 - JAM DE NHIALIC 2011

⁹ Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Dhiëëu 2:9 ပူးပေါင်းရင်းမြစ်များ

2 Mel 25:7

Go wɛ̈ɛ̈t ke Dhedekia nɔ̈k ke ke woi, ku tɔ nyïïn ke Dhedekia tukë bei, ku dutkï në kuɛɛt, ku leerkï Babilon.

2 Lëk 15:3

Kɔc ke Yithriɛl acïk rëër ë run juëc ke ke cïn nïïm Nhialic yic, ku cïnkï nïïm bäny ke kake Nhialic ee keek wɛ̈ɛ̈t, ku cïnkï lööŋ.

Neɣe 1:3

Acïk bɛ̈n lɛ̈k ɛn an, kɔc wään cï döŋ apïr ɣɔn kënë peec, atɔ̈ukï në guöm dïtic, ku ye juöör rɛ̈ɛ̈r në kelɔ̈m ke dhɔɔt gup, ku kal ë pänydïït de Jeruthalem aŋoot ke tɔ̈u piny, ke cï riääk ku athïïn ke yen thok akënë ke tääu ëcaŋɣɔn nyopë keek.

Diɛt 74:9

Kït ke kakuɔn ɣeriic kedhie acïk liu, Acïn tït cï döŋ, ku acïn raan ŋic yen bïï kaam cït ŋö lɛɛr yen ee kënë.

Yith 24:12

Pänydït ë riääk, ku athïïn ke kalde acï ke dhuɔŋ piny.

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Jeremia 39:2

Në kööl de dhoŋuan në pɛɛi ë ŋuan yic, në ruöön ye Dhedekia run thiëër ku tök ke ee melik, kɛ̈l ke pänydït aa cï keek thuur kɔ̈ɔ̈th.

Jeremia 39:8

Ku ëtɛ̈ɛ̈n, kɔc ke Babilonia acïk ɣön de bääny bɛ̈n nyuɔp piny, ku nyopkï ɣööt ke kɔc, ku jiëpkï kal de Jeruthalem piny.

Jeremia 51:30

Rem de tɔŋ ë Babilonia acïk thɔ̈ɔ̈r pɔ̈l, ku acïk nyuc ë kɛ̈lkɛn cï gël yiic. Ŋeenyden acï jäl ka acïk ciët diäär. Kɛ̈l ke pänydït acï keek dhuɔŋ piny, ku ɣɛɛk ë ɣööt në mac.

Jeremia 52:14

ku jiëp remdɛn ë tɔŋ kɛ̈l ke pänydït piny.

Dhiëëu 1:3

Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 4:15

Ayek kɔc ke yöök, an, “Lak tɛ̈n, yïn cï dhiöök! Du ya jak! Ku jɔkï cath ë paarpaar, acï ke lɛɛr ë juöör yiic, ke cïn raan loor keek.

Dhiëëu 4:20

Acïk tëde pïïrda nööm, melik ë lɔc Bɛ̈nydït, raan ë ŋäthku në luöi bïï yen wo gël, të rëër wok ë juöör yiic.

Edhekiɛl 12:13

Ku yɛn bï bɔidï thieth ku dam thïn. Ku ja lɛɛr pänydït de Babilon, të bïï yen lɔ thou thïn ke kën tïŋ.

Edhekiɛl 17:20

Yɛn bï bɔi de yiëëp thieth ku dam thïn. Abä lɛɛr Babilonia ku abä lɔ luöi këtuc ëtɛ̈ɛ̈n, në biäk cïï yen piɔ̈u adöt ke yɛn.

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Ɣodh 11:6

Abätɛ̈ɛ̈u abïk lɔ bilbil në pɛ̈ɛ̈nydïtken yiic, ku abïk kɛ̈l ke pänydït dhuööŋ thook, ku riäkkï cääpkɛn cïk keek kiëët ëbɛ̈n.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Amoth 1:5

Ku yɛn bï thoŋ de kal ë Damathko dhuɔŋ piny, ku riäär melik nyin piny, meliŋ tɔ̈u në Wak de Aben, ayï bɛ̈nydïït de kɔc ke Betheden. Ku kɔc ke Thiriya abï keek peec, leerë keek piny ë Kir. Yen kë cïï Bɛ̈nydït lueel ka.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.