Dhiëëu 2:8 - JAM DE NHIALIC 2011

⁸ Acï Bɛ̈nydït dhel nɔn bïï pɛ̈ɛ̈ny ke nyan de Dhiɔn dhil wïïk. Acï keek them arëët, nɔn bï kek dhil riääk taitai. Aloc ku pɛ̈ɛ̈ny adhɔtkï piny ënɔɔnë ke ke cï riääk ëtök.

Dhiëëu 2:8 ပူးပေါင်းရင်းမြစ်များ

2 Tham 8:2

Ku acï kɔc ke Mowap tiaam ayadäŋ. Ku tɔ keek tɔ̈c piny ë tiɔp nɔm, ku jɔ keek them në awiɛɛth. Ku kɔc kaarou nɔ̈k në kɔc kadiäk yiic. Go kɔc ke Mowap bɛ̈n aa lïïm ke Debid ku yek kuöt athölbö.

2 Mel 21:13

Yɛn bï Jeruthalem luöi këtuc cït man ɣɔn cän e luöi Thamaria, ku cït man ɣɔn cän e luöi Aɣap melik de Yithriɛl kekë kuatde ëbɛ̈n. Yɛn bï Jeruthalem nyaai nyin abïï yic lipëlip ke cïn raan ceŋ en, abï ciët aduŋ cï waakic ku buupë yic piny.

Jop 13:21

Tɔ Yïcin mec we yɛn, ku lɔ riëëcduön Yïn a riääcë,

Yith 22:5

Kënë ee kööl de riɔ̈ɔ̈c, ku tiëm, ku anuɔɔn në Wak ë Nyuuth yic, ku acïï Bɛ̈nydït Awärjäŋ tuöc wook. Kal ë pänydïïtda Jeruthalem acï thuöör piny, ku kɔc dhiën kɔɔrë kuɔɔny acï piŋ ë kur yiic.

Yith 28:17

Yic yen abï aa athëm de këërkëër, ku piathëpiɔ̈u yen abï aa pëk de thëm.” Amaŋ de deŋ abï tör ë lueth ya wek röt kan nap wei, ku amool mändun riɔ̈ɔ̈k.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 34:11

Agumuut ku gɛk abïk piny lɔ̈ɔ̈k lak. Ee piny bï Bɛ̈nydït bɛ nyɔk ë riäk, ka bï ciët të ɣɔn kën ë piny cak.

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Jeremia 14:2

an, “Juda adhiau, pɛ̈ɛ̈nydïtke arilkï wei. Kɔcke atɔ̈ukï piny ë jiɛthëpiɔ̈u, ku Jeruthalem adhiëëu kuɔɔny.

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 2:18

Kɛ̈l ke nyan de Dhiɔn dhiëëukï Bɛ̈nydït në wepiɔ̈ɔ̈th! Tɔkï pïïu ke wenyïïn wat wakɔ̈u ku aköl cït pïïu ke kiɛɛr. Duöiyë rɔt piny në dhiëëu kekë jiɛthëpiɔ̈u!

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Dhiëëu 2:5

Bɛ̈nydït acï kɔc ke Yithriɛl riɔ̈ɔ̈k cï kɔc ke ater. Acï ɣään ril ku ɣöötdït nyääŋ piny ke ke cï riääk. Bɛ̈nydït acï jiɛthëpiɔ̈u cï bï thɔ̈k nyäŋ kɔc ke Juda.

Edhekiɛl 20:22

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya bïï Yithriɛl bei në Rip.