Dhiëëu 2:7 - JAM DE NHIALIC 2011

⁷ Bɛ̈nydït acï yïïŋde rɛɛc ku nyiëëŋ tëdɛn ɣeric piny. Acï kɔc ke ater tɔ jiëp pɛ̈ɛ̈nyke piny. Acïk kiɛɛu de tiëm moc të wään ye wok lam thïn në miɛtëpiɔ̈u.

Dhiëëu 2:7 ပူးပေါင်းရင်းမြစ်များ

2 Mel 25:9

Go Luaŋdït ɣɔ̈k mac, ku ɣön ë melik ku ɣööt ke Jeruthalem ëbɛ̈n, ɣön dït ëbɛ̈n acï nyuɔp piny.

2 Lëk 36:19

Ku nyop ɣön ë Nhialic kekë pänydït ë mac, ku nyop ɣööt ke bääny kedhie, ku dhoŋ päny de kal piny.

Diɛt 89:39

Yïn cï löŋduön cï mac wekë awundu dhoŋ kɔ̈u, ku dɛɛnyë gölde në dhuur nɔm.

Yith 64:9

ka yïn du piɔ̈u go diu aläl we wook, ku du awɛ̈ɛ̈ckuɔ muk ë yïpiɔ̈u aɣet athɛɛr. Wok ee kɔcku, kokëpiɔ̈u we wook.

Jeremia 21:4

Kë bä lɛ̈k Dhedekia kï, an Acïï Bɛ̈nydït Nhialic de Yithriɛl lueel an, “Yɛn bï remduön ë tɔŋ bï thɔ̈ɔ̈r kekë melik de Babilonia tiaam. Yɛn bï tɔɔŋ ke remduön ë tɔŋ kut nïïm ë pänydïtic cil.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 32:29

ku abïk ɣɔ̈k mac. Abïk nyuɔp piny kekë ɣööt ëtök, ɣööt cï kɔc Yɛn tɔ göth në nyum ye kek wal ŋïr nyuöp Baal ë ɣööt nïïm, ku yek miɔ̈c de mɔ̈u ye poor gäm yiëth kɔ̈k.

Jeremia 39:8

Ku ëtɛ̈ɛ̈n, kɔc ke Babilonia acïk ɣön de bääny bɛ̈n nyuɔp piny, ku nyopkï ɣööt ke kɔc, ku jiëpkï kal de Jeruthalem piny.

Jeremia 4:26

Piny wään ee luɔk acï rɔt puk ke ye jɔ̈ɔ̈r, pɛ̈ɛ̈nydïtke acï ke riɔ̈ɔ̈k në biäk de agönh tuc de Bɛ̈nydït.

Jeremia 4:27

(Aa cïï Bɛ̈nydït lueel nɔn bïï piny nɔm aa dhuur, ku lueel nɔn cïï Yen en bï riɔ̈ɔ̈k taitai.)

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 2:1

Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Dhiëëu 2:5

Bɛ̈nydït acï kɔc ke Yithriɛl riɔ̈ɔ̈k cï kɔc ke ater. Acï ɣään ril ku ɣöötdït nyääŋ piny ke ke cï riääk. Bɛ̈nydït acï jiɛthëpiɔ̈u cï bï thɔ̈k nyäŋ kɔc ke Juda.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:44

Ku na cakaa nɔn tɔ̈u en aya të rɛ̈ɛ̈r kek piny de kɔc de kek ater, acä keek bï rɛɛc ku acä keek bï maan man abä keek riɔ̈ɔ̈r nyïïn taitai, ku riääk mändï wokë keek. Ee Yɛn Bɛ̈nydït Nhialicden.

Amoth 2:5

Yɛn bï mac tuɔɔc Juda bï lɔ nyuɔp piny, ku nyuɔp ɣään riil ke Jeruthalem piny.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”