Dhiëëu 2:21 - JAM DE NHIALIC 2011

²¹ Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Dhiëëu 2:21 ပူးပေါင်းရင်းမြစ်များ

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Ethta 3:13

Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 11:22

Ago Bɛ̈nydït de rɛm lueel an, “Abä keek luöi këtuc! Dhuökken abïï keek nɔ̈k në abätäu, mïthken abïk thou në cɔk.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 51:22

kë bän röör ku diäär nɔ̈k, kë bän kɔcdït ku dhuök tɛm röt, kë bän mïthwät ku duet nɔ̈k,

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Jeremia 9:20

Aguɔ lueel an, “Piɛŋkï kë lueel Bɛ̈nydït wek diäär, ku yak wëlke yökiic. Wɛ̈ɛ̈tkï duetkun ë dhiëëu, ku wɛ̈ɛ̈tkï määthkun ë diɛt ke dhiëëu.

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Dhiëëu 1:15

“Bɛ̈nydït acï kɔckiën ril kë tɔŋ rɛɛc kedhie. Ku tooc amatnɔm bïï dhuökï riɔ̈ɔ̈k. Acïk kɔckï dhuɔŋ piny cït man ye raan mɔ̈n de enap dhiim tëde dhiɛ̈m.

Dhiëëu 1:18

“Ku Bɛ̈nydït apiɛth piɔ̈u, në biäk kɛ̈n ɛn En riëëu guöp. Piɛŋkï këdï, wek kɔc ceŋ piny nɔm ëbɛ̈n, tiëŋkï yɛn në arɛɛmdï yic. Dhuökï ku duetkï acï keek jɔt ke ke cï peec.

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Dhiëëu 3:43

“Yïn cï wook cop ku näk wo, kokdepiɔ̈ndu acï agönhdu yen thiaan.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Amoth 8:13

Ku në ee köölë, dhueec läk ku dhuök abïk wïïk në rou.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Nyöŋ 28:50

Jur bï we luöi ka tuc thook, ku acïn kokdepiɔ̈u bïk nyuöth raan ëbɛ̈n, mɛnh koor ayï raan dït.

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.

Jocua 6:21

Agokï këriëëc jɔ nɔ̈k ëbɛ̈n wutic në abätɛ̈ɛ̈u, röör ku diäär, mïth ku kɔcdït, ɣɔ̈k ku thök, ku mul.

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”