Dhiëëu 2:18 - JAM DE NHIALIC 2011

¹⁸ Kɛ̈l ke nyan de Dhiɔn dhiëëukï Bɛ̈nydït në wepiɔ̈ɔ̈th! Tɔkï pïïu ke wenyïïn wat wakɔ̈u ku aköl cït pïïu ke kiɛɛr. Duöiyë rɔt piny në dhiëëu kekë jiɛthëpiɔ̈u!

Dhiëëu 2:18 ပူးပေါင်းရင်းမြစ်များ

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 119:145

Yïn caal në piɔ̈ndï ëbɛ̈n, Bɛ̈nydït, piŋ këdï, ku yɛn bï lööŋku riëëu!

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Dhiëëu 1:16

“Yeka wat yɛn nyin wokë pïïu. Acïn raan dut ɛn piɔ̈u, ku acïn raan riit ɛn piɔ̈u. Raan de ater acï yɛn rum, kɔckï acïn kë cï döŋ tëde keek.

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Dhiëëu 2:8

Acï Bɛ̈nydït dhel nɔn bïï pɛ̈ɛ̈ny ke nyan de Dhiɔn dhil wïïk. Acï keek them arëët, nɔn bï kek dhil riääk taitai. Aloc ku pɛ̈ɛ̈ny adhɔtkï piny ënɔɔnë ke ke cï riääk ëtök.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Ɣabakuk 2:11

Acakaa kur ke pɛ̈ɛ̈ny ke ɣöötkun, ku kɔɔu adhiaukï piɔ̈ɔ̈th në week në kë cäk looi.