Dhiëëu 2:15 - JAM DE NHIALIC 2011

¹⁵ Kɔc tɛ̈ɛ̈k ë pänydït këc ayek yïn biɔɔn guöp të woi kek yïn. Ayek kenïïm bet ku dɔlkï riääk de Jeruthalem, an, “Ee yen pänydït lɛ̈kë ee kënë? Ee yen lɛc de piny nɔm ëbɛ̈n ee kënë?”

Dhiëëu 2:15 ပူးပေါင်းရင်းမြစ်များ

2 Mel 19:21

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

2 Lëk 7:21

“Ku ënɔɔnë Luaŋdït arïïuwë guöp aläl, ku kɔc bï tëëk abïk aa gäi ku luelkï an, ‘Eeŋö lui ë Bɛ̈nydït kë cït ee kënë ee pinyë kekë Luaŋdït?’

Diɛt 109:25

Të ye kɔc yɛn tïŋ, ayek yɛn bui guöp, ayek kenïïm bet ku dɔlkï yɛn guöp.

Diɛt 22:7

Kɔc ee yɛn tïŋ ayek en geet guöp. Ayek keliëp läŋ bei ku betkï kenïïm.

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 48:3

Acï Nhialic nyooth nɔn nu ë kuɔɔny ke yen në gëlgël de pänydït yic.

Diɛt 50:2

Nhialic ee riau në Dhiɔn, läk de pänydït ee dikëdik.

Diɛt 64:8

Liemden yen abï keek lɛɛr në riääkic, kɔc bï ke tïŋ, abïk kenïïm aa bet.

Yith 28:21

Bɛ̈nydït abï thɔ̈ɔ̈r cït man ɣɔn thɛ̈ɛ̈r en në kuur ë Peradhim ku në wak ë Gibiɔn yic, në luɔi de yen këdɛn kɔɔr bïï looi, cakaa nɔn dhɛl ë këde kɔc. Abï këde dhil thöl ë luɔi, yen luɔidɛn cï moony.

Yith 37:22

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

Yith 64:11

Ku ɣöndan ɣeric läk, të wään ye kuarkuɔ yï piɔɔny thïn, acï riɔ̈ɔ̈k në mac. Ɣään piɛthkuɔ kedhie acï ke riɔ̈ɔ̈k.

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 19:8

Yɛn bï gökdïït de riääk bɛ̈ɛ̈i ë pänydïtic, ka raan bï aa tɛ̈ɛ̈k ëtɛ̈ɛ̈n abï wɛ̈ɛ̈ŋ ku gɛ̈i arëët.

Jeremia 25:18

Go Jeruthalem ku pɛ̈ɛ̈nydït ke Juda kedhie, ëtök në meliiken ku bänyken, gokï dek ë yeyic, agokï aa jɔ̈ɔ̈r, të rɛɛc ee kɔc tɔ gäi ë tïŋ, ku bï kɔc rin ke tɔ ee kë de aciɛɛn cït man ye kek ŋoot ke loikï.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 48:27

Tak yïnɔm apiɛth Mowap, wëën ë yï cïï kɔc ke Yithriɛl ee dɔl gup? Aa yak keek luööi cït man ë kɔc cïï cuɛ̈ɛ̈r keek gëk.

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Dhiëëu 2:16

Kɔc ke aterden kedhie ayek yïn biɔɔn guöp, ku mankï yïn. Ayek lueel an acuk riɔ̈ɔ̈k! Yen kööl ë kɔɔrku kï: acuk yök ënɔɔnë, ku acuk tïŋ.

Dhiëëu 2:6

Acï Luaŋdït ye wok E lɔ̈ŋ thïn riɔ̈ɔ̈k abï lɔ thorthor. Bɛ̈nydït acï akööl ɣeriic ku akööl ke Thabath tɔ kääc. Melik ayï bɛ̈ny de kake Nhialic keek kedhie, acïk atuöc de agönhde yök.

Edhekiɛl 16:13

Ku yïn de nɔm joth ke adhääp ku ateek, ku yïn ee lupɔɔ cï cuëëc në alɛɛth ke lupɔ piɛth lɔ mot ku lupɔ lɔ riauriau cieŋ. Ku yïn ee cam në kuïn cï pam cï looi në aɣar lɛ̈k de yic miök de kiëc ku miök de olip. Dikdu aa riau, ago jɔ aa tiiŋ melik.

Edhekiɛl 16:14

Yïn cï rin kɔ̈k në juöör ke piny nɔm yiic ëbɛ̈n në biäk de läkdu, ku në biäk cän yïn tɔ dikëdik aya.” Yen kë cïï Bɛ̈nydït Awärjäŋ lueel ka.

Edhekiɛl 23:32

Aye Bɛ̈nydït Awärjäŋ lueel an, “Yïn bï dek në abïny de nyankui, adït yic ku thuth. Kɔc ëbɛ̈n abïk yïn aa bui ku biɔnkï yïguöp, abïny athiäŋ.

Edhekiɛl 25:6

“Kë ye Bɛ̈nydït Awärjäŋ lueel kï an: wek ee wecin pam ku kɛɛckï nhial në miɛtëpiɔ̈u. Wek ee piny de Yithriɛl biɔɔn.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Math 27:39

Go läät ë kɔc wën ee tëëk ëtɛ̈ɛ̈n, ke ke lek kenïïm,

Mak 15:29

Go kɔc wën ee tëëk agokï aa läät, ke ke lek kenïïm, luelkï an, “Aa! Yïn ee raan ë Luaŋdït dhuöör piny, ku bɛyë yïk ë nïn kadiäk!