Dhiëëu 2:13 - JAM DE NHIALIC 2011

¹³ Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Dhiëëu 2:13 ပူးပေါင်းရင်းမြစ်များ

2 Tham 5:20

Go Debid lɔ Baal Peradhim ku jɔ Pilithiin lɔ tiaam ëtɛ̈ɛ̈n. Go ë Debid lueel an, “Bɛ̈nydït acï kɔc ke aterdï dhuööŋ cï amool.” Go Debid ëtɛ̈ɛ̈n cäk an Baal Peradhim. “Bɛ̈nydït ee käŋ dhuööŋ kɔ̈ɔ̈th.”

2 Mel 19:21

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

Diɛt 60:2

Yïn cï piny tɔ lɛthë ku tɔ retë yic, ënɔɔnë nuat ɣään cï dhuɔɔŋ, në baŋ kɔɔr en kuɛɛm.

Yith 37:22

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 14:19

Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Jeremia 9:18

Go kɔc lueel an, “Lëkkï keek bïk dap bɛ̈n bïk din ë dhiëëu bɛ̈n kɛ̈t wook, agut të bï wok nyïïn löny në pïïu, ku wac nhïm ke wonyïïn në pïïu ke dhiëëu.”

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Edhekiɛl 32:31

“Tïŋ bïï ë kɔc wään cï nɔ̈k kedhie në tɔŋic tïŋ, abï melik de Rip riit piɔ̈u kekë remdɛn ë tɔŋ, aye Bɛ̈nydït Awärjäŋ lueel.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,